Búgín Abaı unıversıtetí Ūlystyń ūly kúní – Nauryz merekesín ūlttyq ruhty jańǵyrtqan, mazmūny baı árí taǵylymy tereń daıyndyqpen, óte joǵary deńgeıde atap óttí.Mūhtar Áuezov atyndaǵy unıversıtet stadıonynda kıíz úıler tígílíp, án-kúı men jyrǵa kómkerílíp, túrlí ūlttyq sport saıystary, defıle men jármeńke, kórme men oıyndar bolyp, ūlyq meıramǵa myńdaǵan adam qatysty.
Jańaru men jasampazdyq, meıírím men yntymaq sımvoly sanalatyn būl mereke – kún men tún teńelíp, tabıǵat pen tírshílíktíń qaıta túleıtín aıryqsha mereılí shaǵy. Qazaqtyń tūńǵysh unıversıtetí bıyl Ūlystyń ūly kúnín erekshe atap ótkenín aıta ketumíz kerek.
Unıversıtet ūjymy men studentterí būl meıramdy ashyq aspan astyndaǵy keń stadıondaetno-auyl formatynda atap óttí. Sap túzegen aq shańqan kıíz úıler, buy būrqyraǵan dám men ūlttyq kıím kıgen qauymnyń júzíndegí quanysh būl aumaqty qazaqtyń baıyrǵy dástúrí men zamanauı jastyq jalyny toǵysqan úlken duman oshaǵyna aınaldyrdy. Merekelík ís-shara studentterdíń shyǵarmashylyq áleuetín kórsetuge, ūlttyq dástúr men ónerdí dárípteuge, bílím ordasynyń ruhanı baılyǵyn arttyruǵa múmkíndík berdí.
Áz-Nauryz shymyldyǵy «Gákku» bı ansamblí men «Qaǵanat», «Úrker» studenttík teatrlarynyń qatysuymen qoıylǵan «Mereılí Nauryz – Jańarubastauy» atty kompozıtsıyamen ashyldy. Óner fakultetí studentteríníń kásíbı sheberlígí alańdaǵy jūrtty bírden baurap alyp, kórermendí ūlttyq mıfologıya men tarıh qoınauyna jetelep ákettí.
Ūlys toıyn saltanatty túrde ashqan Abaı atyndaǵy QazŪPU Basqarma Tóraǵasy-Rektor Bolat Tílep júrekjardy lebízín bíldírdí.
– Ǵasyrǵa juyq tarıhy bar, qazaq bílímíníń qarashańyraǵy – Abaı unıversıtetí úshín Nauryz meıramy aıryqsha mánge ıe. Būl – tek tabıǵattyń jańaruy emes, ruhtyń jańǵyruy, adam boıyndaǵy ízgí qasıetterdíń qaıta túleuí. Bíz būl merekení ūlttyń bírlígí men tatulyǵyn aıshyqtaıtyn, bolashaqqa degen senímdí nyǵaıtatyn erekshe kezeń retínde baǵalaımyz. Sondyqtan da bízdíń ūjym jyl saıyn Nauryzdy ūlttyq dástúrmen sabaqtastyra otyryp, keń kólemde atap ótudí ıgí dástúrge aınaldyrdy, – dedí Bolat Anapıyaūly.
Sodan keıín Unıversıtet qyzmetkerleríníń 4-9 jas aralyǵyndaǵy búldírshínderíníń arasyndaótken «Mereılí Nauryz» balalar shyǵarmashylyǵy baıqauynyń jeńímpazdary án, bı jáne kórkemsóz nomınatsıyalary boıynsha marapattaldy. Sahnaǵa shyqqan eldíń erteńgí úmítterí kóńílge áserlí quanysh syılady. Sondaı-aq, rektor medıa keńístíktegí unıversıtettíń bedelín arttyruǵa atsalysqan oqytushylar men studentterge arnalǵan «Abai Media Awards» medıa baıqauynyń jeńímpazdaryn marapattap, úzdíkterge el aldynda arnaıy dıplomdar men syılyqtar tabystady.
Ūlttyq sán men ónerdíń úndestígí de nazardan tys qalmady. «Gúlnaz Jeksenbek» brendíníń «Mūra» toptamasy ūsynylǵan defıle men «Áuen – Tribe» duetíníń ónerí qazaqy naqyshtyń zamanauı asyldyǵyn taǵy bír márte dáleldedí. Al qazaq estradasynyń jūldyzdary – Qūdaıbergen Bekísh, Almas Kíshkenbaev jáne «MuzArt Life» tobynyń áuezdí ánderí ashyq alańdy ásem saz ben shattyqqa bóledí.
Merekeníń taǵy bír erekshelígí – ūlttyq sport oıyndarynan «Altyn saqa» aptalyǵynyńbastaluy boldy. Qazaq kúresí, arqan tartys, qoshqar kóteru, qol kúres jáne asyq atu syndy t.b. ūlttyq oıyndarǵa qatysushylar kúsh-jígerí men eptílígín, tózímdílígí men dáldígín synǵa saldy.
Alańda qyran búrkítter men júırík tazylardyń kórsetílímí ūıymdastyrylyp, qazaq halqynyń sayatshylyq ónerí keńínen nasıhattaldy. Sáıgúlík jylqylardyń ákelínuí de merekeníń kórkín odanárí arttyryp, kóshpelí mádenıettíń aıryqsha belgísín aıshyqtaı tústí. Shara barysynda alyp batyrlar obrazyndaǵy ónerpazdardyń qatysuy da erekshe áser qaldyrdy. Ūlttyq kıímdegí batyrlardyń kórínísí arqyly el qorǵaǵan erlerdíń ruhy dáríptelíp, kórermenge tarıhı sabaqtastyq pen otansúıgíshtík qūndylyqtar tereńínen jetkízíldí.
Taǵy bír aıta ketetín dúnıe, Ūlys toıynda Abaı unıversıtetíne «BankTsentrKredıt» qarjylaı demeushílík kórsetíp, 16 oryndyq «JAC Sunray» markaly zamanauı shaǵyn avtobusyn syıǵa tartty.
Qoryta kelgende, būl kún – Abaı unıversıtetíníń bírlígín bekemdep, qazaqy salt-dástúrdí jańa qyrynan jańǵyrtqan, keń alańda erkín tynystaǵan ūlttyq ruhtyń merekesí retínde este qaldy.