19 nauryz kúní Qazaqstan Prezıdentí Qasym-Jomart Toqaev Almaty qalasyna baryp, ǵylymı qauymdastyq aldynda sóz sóıledí. Prezıdent memlekettík sayasattyń negízgí basymdyqtaryn – adamı kapıtaldy, ǵylym men ınnovatsıyany damytu, sondaı-aq jańa Konstıtutsıyanyń eldí jańǵyrtudaǵy rólín aıqyndady, - dep habarlaıdy aqshamnews.kz tílshísí.
Paternalızmnen – múmkíndíkter qoǵamyna
Memleket basshysy óz sózínde eldíń damu modelín ózgertu qajettígíne erekshe nazar audardy. Onyń aıtuynsha, Qazaqstan paternalıstík tásílden bas tartyp, basty resurs retínde adam men onyń qabíletterí alǵa shyǵatyn júıege kóshuí tıís.
«Ǵylymda naqty nátıjege jetu úshín adamı kapıtalǵa aıryqsha kóńíl bólu qajet. Bíz jas ūrpaqty tárbıeleu men azamattardy qoldau tásílderín áleumettík ádíldík, patrıotızm jáne eńbekqorlyq tūrǵysynan qaıta qarauymyz kerek», – dedí Prezıdent.
Toqaev jańa Konstıtutsıyanyń dál osy sebeptí adamǵa baǵdarlanǵan sıpatqa ıe ekenín atap óttí.
Aımaqtar – ǵylymnyń ósu núktelerí
Prezıdent óńírlerdegí ǵylymdy damytuǵa da erekshe toqtaldy. Onyń aıtuynsha, ákímdíkterge ǵylymı-tehnologıyalyq sayasatty íske asyru ókílettíkterí berílgen.
Qazírgí tańda 11 óńírlík joǵary oqu ornynda akademıyalyq artyqshylyq ortalyqtary men ǵylymı-zertteu ortalyqtary qūryluda. Būl ortalyqtar balamaly energetıkadan bastap bıotehnologıyaǵa deıíngí ártúrlí baǵyttar boıynsha zertteuler júrgízedí.
«Bíz ózgeníń ǵylymı jetístíkterín kóshírmeuímíz kerek, kerísínshe, ózímízdíkín jasauymyz qajet. Álemdík deńgeıde sūranysqa ıe zertteuler júrgíze alatyn ǵalymdar buynyn qalyptastyru mańyzdy», – dedí Toqaev.
Ǵylym men bílím – strategıyalyq basymdyq
Prezıdent adamı kapıtaldy, bílímdí, ǵylym men ınnovatsıyany damytu jańa Konstıtutsıyada memlekettíń strategıyalyq baǵyty retínde bekítílgenín eske saldy.
Onyń aıtuynsha, būl míndetterdí júzege asyru ǵylymı qauymdastyqtan joǵary kásíbılíktí, jauapkershílíktí jáne otansúıgíshtíktí talap etedí.
«Būl – kúrdelí míndet, bíraq basqa jol joq. Men sízderge úlken úmít artamyn», – dep ǵalymdarǵa úndeu jasady Memleket basshysy.
Konstıtutsıya – jańǵyrudyń írgetasy
Prezıdent sózíníń eleulí bólígí jańa Konstıtutsıyanyń rólíne arnaldy. Toqaevtyń aıtuynsha, eldíń shynaıy jańaruy ūrandardan emes, qūqyqtyq negízdí nyǵaıtudan bastalady.
«Jańa Konstıtutsıya bízdíń memlekettílígímíz ben egemendígímízdíń senímdí tíregíne aınalady. Onyń árbír normasy eldí nyǵaıtuǵa qyzmet etedí», – dedí Prezıdent.
Sondaı-aq ol qazaq memlekettílígíníń tarıhı qūqyqtyq negízderíne – «Qasym hannyń qasqa joly», «Esím hannyń eskí joly» jáne «Jetí jarǵyǵa» – nazar audardy.
Memleket basshysynyń aıtuynsha, jańa Negízgí zań – qazírgí geosayası jaǵdaıda azamattardyń arman-mūratyn beıneleıtín «shynaıy halyqtyq Konstıtutsıya».
Osylaısha, Prezıdenttíń Almatyǵa sapary Qazaqstannyń damuyndaǵy strategıyalyq baǵdarlardy talqylauǵa arnalǵan mańyzdy alańǵa aınaldy. Būl baǵytta ǵylymǵa, bílímge jáne memleket úshín basty qūndylyq sanalatyn adamǵa erekshe ról berílíp otyr.