Qaznette jedel járdem qyzmetkerlerí kóshede jatqan nauqasty tepkílegen vıdeo tarady. Densaulyq saqtau mınıstrlígí būl vıdeoǵa qatysty píkír bíldírdí, - dep habarlaıdy aqshamnews.kz tílshísí.
Būǵan deıín áleumettík jelíler men BAQ-ta jedel járdem qyzmetkerlerí oryndyqta ūıyqtap jatqan er adamdy ayaǵymen teuíp túsírgen sátí beınelengen vıdeo taraǵan edí. Vıdeo avtorlarynyń aıtuynsha, kadrda Qazaqstannyń jedel járdem qyzmetí ókílderí nauqasty tıístí medıtsınalyq kómek kórsetpesten kóshede qaldyryp ketken.
Qazaqstan Densaulyq saqtau mınıstrlígíníń resmı málímdemesí
"Júrgízílgen taldau nátıjesí vıdeoǵa túsírílgenderdíń Qazaqstannyń jedel járdem qyzmetkerlerí emes ekenín kórsettí: olardyń formasynda QR jedel medıtsınalyq járdem brıgadalaryna míndettí memlekettík jáne vedomstvolyq aıyrym belgílerí joq. Kıímníń tús gammasy men úlgísí de Qazaqstanda qoldanystaǵy bíryńǵaı standartqa sáıkes kelmeıdí", – delíngen mınıstrlík málímdemesínde.
Sonymen qatar, būl oqıǵa 2024 jylǵy 11 nauryzda Reseıdíń Volgograd qalasynda bolǵany jáne sol kezde reseılík BAQ-ta keńínen jarıyalanǵany anyqtaldy. Tekseru qorytyndysy boıynsha kínálíler jauapkershílíkke tartylǵan.
"Osylaısha, būrynnan belgílí árí tekserílgen oqıǵany Qazaqstannyń qyzmetterímen baılanystyruǵa tyrysu - azamattardy ádeıí jańylystyru", – dep atap óttí Densaulyq saqtau mınıstrlígí.
Mınıstrlík pablık ákímshílerín jáne aqparattyq resurstardyń avtorlaryn qazaqstandyqtardyń shynaıy aqparat alu qūqyǵyn qūrmetteuge, jarıyalamas būryn derekkózderdí tekseruge jáne memlekettík, áleumettík jáne medıtsınalyq qyzmetkerlerdí ádeıí qaralau maqsatyndaǵy materıaldardy taratpauǵa shaqyrdy.