Mı tańnan sergek jūmys ísteu úshín qysqa aqyl-oı jattyǵuyn jasaǵan jetkílíktí, - dep habarlaıdy aqshamnews.kz tílshísí UfaTime.ru-ǵa sílteme jasap.
Dárígerlerdíń aıtuynsha, kún saıyn asyqpaı oryndalatyn 5–10 mınuttyq jattyǵular este saqtau men zeıíndí jaqsartyp, kóńíl kúıdí kóteruge jáne kognıtıv densaulyqty qoldauǵa kómektesedí. Sol jattyǵulardyń bírí - "Kerí sanau": mysaly, 30-dan 1-ge deıín nemese 20-dan 1-ge deıín bayau sanau kerek, qalaǵan jaǵdaıda bír sandy attap sanauǵa bolady.
Sondaı-aq, mamandar "Úsh zatty ata" jattyǵuyn ūsyndy: aınalańyzǵa qarap, dauystap úsh zatty atańyz da, bír mınuttan keıín sol zattardy qaıta eske túsíruge tyrysyńyz.
Dárígerlerdíń píkírínshe, assotsıatsıyalar oıyny da paıdaly: bír sózdí (mysaly, "alma") aıtyp, oǵan qatysty úsh assotsıatsıya keltíru kerek ("táttí", "qyzyl", "baq"). Sandardy este saqtaudy damytu úshín bíreuden 3–4 san aıtuyn sūrap, olardy 30 sekundtan nemese 1 mınuttan keıín qaıtalap aıtuǵa bolady.
Mamandar zeıínge arnalǵan tapsyrma da ūsyndy: dauystap oqylǵan qysqa sóılemníń íshínen belgílí bír áríptí nemese sózdí tauyp shyǵu.