Zamanauı 7 kvanttyq esepteu júıesímen jabdyqtalǵan ortalyq studentter men jas ǵalymdarǵa kúrdelí zertteu jobalaryn oryndauǵa múmkíndík beredí, dep habarlaıdy aqshamnews.kz tílshísí.
QR Ǵylym jáne joǵary bílím mınıstrí Sayasat Nūrbek ál-Farabı atyndaǵy Qazaq ūlttyq unıversıtetíníń ǵylymı-ınnovatsıyalyq ınfraqūrylymymen jáne jańadan íske qosylǵan ortalyqtardyń qyzmetímen tanysty. Shara barysynda QazŪU-dyń Basqarma tóraǵasy – rektory Janseıít Túımebaev mınıstrge unıversıtet ǵalymdarynyń sońǵy jyldardaǵy ǵylymı jetístíkterí men ınfraqūrylymdy jańǵyrtu baǵytynda atqarylǵan jūmys nátıjelerín ūsyndy.
Vedomstvo basshysy Ortalyq Azıyadaǵy alǵashqy mamandandyrylǵan ǵylymı-bílím beru ortalyǵy – Mı ınstıtutyna bardy. Nysan 2018 jyly Kognıtıvtík neıroǵylym ortalyǵy retínde negízí qalanyp, 2026 jyly Mı ınstıtuty bolyp qaıta qūrylǵan. Instıtut kognıtıvtík neıroǵylym, MRT, neırolıngvıstıka jáne esepteu neıroǵylymy zerthanalarymen jabdyqtalǵan.
Mūndaǵy zertteuler álemdík deńgeıdegí zamanauı qūrylǵylar, sonyń íshínde ANT Neuro joǵary tyǵyzdyqtaǵy elektroentsefalografıya júıelerí jáne funktsıonaldyq jaqyn ınfraqyzyl spektroskopıya tehnologıyalary arqyly júrgízíledí. Sondaı-aq ortalyqqa ornatylǵan 3 Tesla magnıttík-rezonanstyq tomografy jasandy ıntellekt tehnologıyalaryn qoldanu arqyly mıdy túsíru uaqytyn qysqartyp, keskín sapasyn arttyrady árí funktsıonaldyq MRT júrgízuge múmkíndík beredí.
Sonymen qatar mınıstr bıyl íske qosylǵan «Quantum AI» zerthanasynyń jūmysymen tanysty. Zamanauı 7 kvanttyq esepteu júıesímen jabdyqtalǵan ortalyq studentter men jas ǵalymdarǵa kúrdelí zertteu jobalaryn oryndauǵa, mashınalyq oqytudyń bíregeı algorıtmderín ázírleuge múmkíndík beredí. Jańa zerthana bílím alushylardyń naqty óndírístík jobalarǵa qatysuyna jaǵdaı jasaıtyn ashyq platforma retínde qyzmet etíp, túlekterdíń halyqaralyq eńbek naryǵyndaǵy básekege qabílettílígín arttyruǵa baǵyttalǵan.
Kezdesu sońynda mınıstr QazŪU-da júzege asyrylyp jatqan bastamalarǵa qoldau bíldírdí. Sondaı-aq jasandy ıntellekt, neıroǵylym jáne kvanttyq tehnologıyalar baǵytyndaǵy zertteulerdíń el bolashaǵy úshín strategıyalyq mánín erekshe atap óttí.