JAS STARS kontserttík keshí ayasynda sahnaǵa shyqqan akter árí prodyuser Ramazan Amantaı jastarǵa mańyzdy úndeu jasady, – dep habarlaıdy aqshamnews.kz tílshísí.
Onyń aıtuynsha, kele jatqan mańyzdy ís-sharaǵa beı-jaı qarauǵa bolmaıdy.
«Men búgíngí keshke tek akter ǵana emes, jastardyń bír ókílí retínde kelíp tūrmyn. Bíz, jastar, memlekettíń damuyna úles qosuǵa míndettímíz. Bízdíń bar baılyǵymyz – bírlígímíz. Bírlígímízdí saqtap, referendumda óz tańdauymyzdy jasauǵa shaqyramyn. Meníń dausym eshteńe sheshpeıdí dep oılamańyzdar. Barlyǵymyzdyń dausymyz mańyzdy. Óz tańdaularyńyzdy jasańyzdar. Elímízdíń erteńí úshín alańdaıyq. Bíz Qazaqstan – jastarymyz», – dedí spıker.
Sonymen qatar, Ramazan Amantaı qara sóz óleń oqyp, dombyramen arnau jasady. Óleńínde táuelsízdík, beıbítshílík, bírlíktíń tuyn ūstau jáne bílímdí jastar taqyryptary qozǵaldy. Ol jastardyń el bolashaǵy úshín ottaı janyp tūruy kerektígín atap óttí.
Sońynda jastar da óleńge qosylyp, keshtíń atmosferasyna erekshe kóńíl-kúı syılady.
