Almatynyń shyǵarmashyl jastary referendumǵa baratyn boldy, – dep habarlaıdy aqshamnews.kz tílshísí.
Almatyda aldaǵy referendum men jańa konstıtutsıya jobasyn álí de talqylap jatyr. Būl taqyryp sarapshylar men sayası ortada ǵana emes, medıa salasy men shyǵarmashylyq adamdarynyń arasynda da osy turaly aıtylyp jatyr. Kópshílígí búgíngí jastardyń qysqa da nūsqa píkír bíldíretínín, alaıda sol sózdíń artynda úlken sením jatqanyn atap óttí.
Akter Medet Amanbaev konstıtutsıya jobasymen tanysyp shyqqanyn, qūjat tóńíregíndegí talqylaudy baqylap otyrǵanyn aıtty. Onyń sózínshe, qazaqstandyq sarapshylardyń da, sheteldík baqylaushylardyń da túrlí píkírí men saraptamalyq materıaldary jarıyalanyp jatyr. Ol oqyǵan materıaldardyń arasynda europalyq teleradıo kompanıyasy Deutsche Welle jarıyalaǵan maqala da bolǵan. Sol materıalmen tanysqannan keıín, akterdíń aıtuynsha, oıy bírden ózgeríptí. Medet Amanbaev dostarymen bírge referendumǵa baratyn boldy.
Jurnalıst Venera Sábıttíń aıtuynsha, referendum – būl jaı ǵana dauys beretín kún emes, adamdardyń baıyppen píkír bíldíretín kúní de.
«Bíz dauys bergende balalarymyzǵa úlgí kórsetemíz. Búgíngí bízdíń jauapkershílígímíz – olardyń erteńgí senímí. Árkím óz sheshímín ózí qabyldasyn, bíraq ol sheshím sanaly bolsyn», – dep atap óttí telejúrgízushí.
