Qazaqstandyq aktrısa jáne telejúrgízushí, áıgílí ánshí Qaırat Nūrtastyń jary Jūldyz Ábdukárímova 13 tamyzda otbasymen besínshí sábıíníń jynysyn anyqtaıtyn kesh(gender-patı) ótkízdí. Qaırat Nūrtas otbasylyq jıynǵa nege barmaǵanyn túsíndírdí, - dep habarlaıdy Aqshamnews.kz.
Jūldyz ózíníń paraqshasynda balalarymen bírge dastarqan basynda japonnyń "Motı" desertín jep otyrǵan vıdeosyn jarıyalady. Deserttíń íshkí túsíne qaraı olar sábıdíń jynysyn bíldí. Alaıda naqty ūl nemese qyz ekenín jarıyalamady. Degenmen, Jūldyzdyń qyzdarynyń quanyshty reaktsıyasyna qaraǵanda, qyz bala boluy múmkín degen boljam bar.
"Asa qatty gender patı jasaǵym kelmedí. Bíraq tórt qūbylamnyń kóńílín qımaǵandyqtan u-shusyz ótkízeıík dep ortaq sheshímge keldík" dep jazdy Ábdukárímova.
Aıta keteıík, otbasylyq mańyzdy sharada Qaırat Nūrtas boı kórsetpedí. Keıín ánshí ózíníń paraqshasynda jazba jarıyalap, jūmystan qoly tımegenín aıtty.
"Jūmysta júríp,túndeletíp qaıtyp, men joqta gender patı shyraqtary janyp qyzyq bolypty,baıqadym…" dep jazdy ol.
Jelí qoldanushylary píkírler bólímínde sábıdíń jynysyn boljauǵa tyrysyp, nege Qaırat Nūrtastyń kelmegenín sūrady:
"Múmkín, qyz bala shyǵar, qyzdary máz ǵoı!","ákesí qaıda?", "Qaırat 10 jyl boıy Jūldyzdy eshkímge kórsetpeı jasyrdy, endí Jūldyzdyń Qaıratty jasyratyn kezí keldí!" dep jarysa jazdy jūrt.