Madıan ÁDIATQYZY, úı sharýasyndaǵy áıel:
– Ótken jumada «Spýtnık V» vaksınasynyń ekinshi dozasyn aldym. Bastapqyda ekpe ektirýden qatty qoryqtym. Sebebi, áleýmettik jelilerden túrli aqparattar kelip, úreıimizdi ushyrdy. İndet elimizde beleń ala bastaǵanda aınalamdaǵy adamdardyń birazǵa jýyǵy aýyryp, aýrýhanada 15 kúndeı jatty. Olardyń qınalysyn kórip vırýsty juqtyryp almaý úshin barynsha saqtandym. Elimizge ekpeniń myńdaǵan dozasy kelgendigin estip, jubaıym ekeýmiz qaladaǵy №22 emhanaǵa bardyq. Sol jerde ekpe ektirdik. Emhanadaǵy medısına qyzmetkerleriniń túsindirý jumystaryna, barlyq jaǵdaıdy óz baqylaýynda ustaıtyny kóńilimnen shyqty. Qazirgi tańda biraz álem elderine qarasaq, ol jaqtaǵy epıdahýldyń jantúrshigerlik kúıde ekendigin kóremiz. San myńdaǵan adam ómirden ótip jatyr. Kóptegen eldiń ekonomıkasyna da orasan zor zıan kelýde. Biz de solardyń qatarynda bolǵanymyzdy qalamasaq, ekpe alýdan qashpaıyq degim keledi.
Ázirlegen Aqtolqyn TURLYǴAZY.