Almatyda halyqaralyq konferentsıya ayasynda balalarǵa bíregeı neırohırurgıyalyq otalar júrgízílude, – dep habarlaıdy aqshamnews.kz tílshísí.
Almatyda 2026 jyly 4-6 mamyr aralyǵynda International Society for Pediatric Neurosurgery ūıymynyń «Balalar neırohırurgıyasy patologıyalaryna pánaralyq tásíl» atty halyqaralyq konferentsıyasy ótíp jatyr. Ís-sharany Qazaqstan Respublıkasynyń Densaulyq saqtau mınıstrí Aqmaral Álnazarova men Almaty qalasy ákímíníń orynbasary Nūrlan Ábdírahym ashty.
Konferentsıyaǵa 20-dan astam elden jetekshí mamandar qatysyp, balalardaǵy kúrdelí neırohırurgıyalyq aurulardy emdeudíń ozyq ádísterín talqylap jatyr.
Konferentsıya ayasynda Charité – Universitätsmedizin Berlin klınıkasynan kelgen jetekshí balalar neırohırurgy qatysqan sheberdíń dárísí ótude. Praktıkalyq bólím barysynda mıynda qoljetímí qıyn ísíkterí bar ekí balaǵa ota jasalady.
Sondaı-aq, QR Densaulyq saqtau mınıstrlígí ókílderí men sheteldík sarapshylar qatysqan dóńgelek ústel ūıymdastyrylyp, halyqaralyq tájírıbe negízínde neırohırurgıyalyq emdeu hattamalaryn qaıta qarau máselelerí talqylandy.
Aqmaral Álnazarovanyń aıtuynsha, Qazaqstanda balalarǵa medıtsınalyq kómek kórsetudíń kópdeńgeılí júıesí qalyptasqan. Búgínde joǵary tehnologıyalyq medıtsınalyq kómektíń 82 túrí qoljetímdí, jyl saıyn 17 myńnan astam neırohırurgıyalyq ota jasalady, al sońǵy jyldary joǵary tehnologıyalyq kómektíń kólemí úsh eseden astam ósken. Klınıkalyq tájírıbege neıronavıgatsıya, ota kezíndegí neıromonıtorıng, endoskopıyalyq jáne az ınvazıvtí ádíster, sondaı-aq «gamma-pyshaq» tehnologıyasy engízílgen.
Almaty qalasy №2 Balalar qalalyq klınıkalyq auruhanasynyń dırektory Marat Rabandıyarovtyń aıtuynsha, konferentsıya strategıyalyq mańyzǵa ıe jáne Qazaqstanda alǵash ret ótkízílíp otyr. Ol joǵary tehnologıyalyq otalardy engízuge jáne balalar neırohırurgıyasyndaǵy zamanauı tásílderdí damytuǵa serpín beredí.
Konferentsıyanyń negízgí taqyryby — pánaralyq tásíl. Būl mı ísíkterí, dáríge tózímdí epılepsıya, tua bítken damu aqaulary (sonyń íshínde spina bifida), sondaı-aq auyr nevrologıyalyq jáne qımyl-qozǵalys būzylystaryn emdeudegí halyqaralyq standart sanalady.
Ís-sharany Almaty qalasy Qoǵamdyq densaulyq saqtau basqarmasy men №2 Balalar qalalyq klınıkalyq auruhanasy ūıymdastyrdy. Konferentsıya ótkízu otandyq medıtsınanyń halyqaralyq bedelín arttyryp, ozyq tehnologıyalardy engízuge jáne mamandardyń bílíktílígín arttyruǵa múmkíndík beredí.
Jıyn barysynda Almaty qalasy Qoǵamdyq densaulyq saqtau basqarmasy basshysy Marat Pashımovtyń atynan jáne sheteldík jetekshí medıtsınalyq ūıymdar — V.A. Almazov atyndaǵy Ūlttyq medıtsınalyq zertteu ortalyǵy, Charité – Universitätsmedizin Berlin jáne Dana-Dwek Children’s Hospital arasynda yntymaqtastyq turaly memorandumdarǵa qol qoıyldy.
Qūjattar seríktestíktí damytuǵa, tájírıbe almasuǵa jáne balalar neırohırurgıyalyq patologıyalaryn emdeude pánaralyq tásílmen qosa, zamanauı tehnologıya engízuge baǵyttalǵan.