Qasym-Jomart Toqaev qazaqstandyq hrıstıandardy Pasqa merekesimen quttyqtady, dep habarlaıdy aqshamnews.kz Aqordaǵa silteme jasap.
Qurmetti otandastar!
Elimizde turatyn barsha hrıstıandardy Pasqa merekesimen quttyqtaımyn!
Bul jarqyn meıram jurtty rýhanı tazaryp, jańarýǵa úndeıdi. Dindar adamdarǵa úmit syılap, olardy qýanyshqa bóleıdi. Bıyl Pasqany dúnıe júzindegi pravoslav, katolık jáne protestant qaýymy bir kúnde atap ótip jatyr. Munyń sımvoldyq máni zor.
Basqa dindermen qatar hrıstıan dini de qoǵamymyzda mańyzdy ról atqarady. Ejelden bıik gýmanısik ıdealdardy dáriptep kele jatqan pasqa dástúrleri otbasylyq qundylyqtardy saqtaýǵa jáne halqymyzdyń yntymaǵyn arttyrýǵa yqpal etedi, azamattarymyzdy meıirimdilik pen kelisimge shaqyrady.
Jalpyulttyq birlik, barsha etnos pen konfesıa ókilderi arasyndaǵy tatýlyq pen ózara túsinistik qashanda Qazaqstannyń turaqty ósip-órkendeýiniń myzǵymas tuǵyry bolyp qala beredi dep senemin.
Pasqa merekesi ár shańyraqty mahabbat pen shattyqqa keneltsin!
Elimizdiń ár azamatyna zor densaýlyq, baq-bereke jáne tolaǵaı tabys tileımin!