Qasym-Jomart Toqaev Memlekettík keńesshí Erlan Qarınmen jáne Prezıdenttíń qūqyqtyq máseleler jóníndegí kómekshísí Erjan Jıenbaevpen Parlamenttík reforma boıynsha kezektí jūmys keńesín ótkízdí, dep habarlaıdy aqshamnews.kz Aqordaǵa sílteme jasap.
Erlan Qarın Memleket basshysyna Jūmys tobynyń 9 qańtarda ótken otyrysynda bolashaq bír palataly Parlamenttíń mártebesín, ókílettíkterí men funktsıyalaryn anyqtauǵa, sondaı-aq bılíktíń basqa da tarmaqtarymen ózara ís-qımylyna qatysty tásílder ázírlengenín aıtty.
15 qańtarǵa josparlanǵan kelesí otyrysta jańa Parlamenttíń basty memlekettík ınstıtuttardyń qyzmetín qamtamasyz etu ókílettíkterí talqylanady.
Erjan Jıenbaev Memleket basshysyn konstıtutsıyalyq reformaǵa qatysty Jūmys toby múshelerí men jūrtshylyqtan kelíp túsken jańa ūsynystarmen tanystyrdy.
Prezıdent barlyq píkír men bastamany eskeru qajet ekenín atap óttí. Sondaı-aq konstıtutsıyalyq reforma boıynsha túpkílíktí sheshímdí el azamattary jalpyūlttyq referendumda qabyldaıtynyn málímdedí.
Sonymen qatar kezdesude Ūlttyq qūryltaıdyń Qyzylorda qalasynda ótetín besínshí otyrysyna daıyndyq máselesí qaraldy.
Memleket basshysy Qūryltaı otyrysyn ótkízudí osy jyldyń 20 qańtaryna belgílep, aldaǵyzdy ís-sharany ūıymdastyru jáne oǵan tyńǵylyqty ázírlenu jónínde na mańyqty tapsyrma berdí.