Memleket basshysy Kıpr Prezıdentí Nıkos Hrıstodulıdıstí Í dárejelí «Dostyq» ordenímen marapattady, – dep habarlaıdy aqshamnews.kz tílshísí.
Qasym-Jomart Toqaev Kıpr Prezıdentíníń Qazaqstanǵa alǵashqy tarıhı sapary ekíjaqty yntymaqtastyqty damytudyń mańyzdy kezeńí sanalatynyn atap ótíp, Nıkos Hrıstodulıdıstíń elderímíz arasyndaǵy qarym-qatynasty nyǵaıtuǵa qosqan úlesín joǵary baǵalady.
– Memleketterímízdíń yntymaǵyn kózdegen nıetíńíz úshín Sízge shynaıy rızashylyǵymdy bíldíruge rūqsat etíńíz. Qazaqstandyqtar Sízdí aınymas dos árí halyqaralyq deńgeıdegí bedeldí memlekettík qaıratker retínde tanıdy. Belsendí qyzmetíńízdíń arqasynda ózara sením, sayası dıalog jáne yntymaqtastyǵymyz nyǵaya tústí. Ortaq kúsh-jíger arqyly qarym-qatynasymyzǵa tyń serpín beríp, jańa múmkíndíkterge jol ashamyz dep senemín. Qazaqstan men Kıpr arasyndaǵy yntymaqtastyqty damytuǵa qosqan eleulí úlesíńízge sheksíz qūrmettíń belgísí retínde Sízge Í dárejelí «Dostyq» ordenín tabystau jónínde sheshím qabyldadym. Būl orden atauy aıtyp tūrǵandaı, dostyqty, Qazaqstan men Sízdíń elíńízdíń arasyndaǵy qarym-qatynastyń negízí sanalatyn sením men seríktestík ruhyn sıpattaıdy. Jauapty memlekettík qyzmetíńízge tabys tíleımín! Dostas Kıpr halqynyń ıgílígí men órkendeuí jolynda jetístíkterge jete beríńíz, – dedí Qasym-Jomart Toqaev.
Kıpr Prezıdentí joǵary nagradany tabystaǵany úshín Memleket basshysyna alǵys aıtty.
– Marapatty ekí el arasyndaǵy dostyqtyń nyshany retínde Kıpr halqynyń atynan qabyl alamyn. Būl – men úshín zor mártebe. Búgíngí sapar perspektıvtí salalardaǵy yntymaqtastyqty odan árí tereńdetu jolyndaǵy ortaq múdde men myqty sayası erík-jígerímízdí pash etedí, – dedí Nıkos Hrıstodulıdıs.