2011 jyldyń 20 qazanyndaǵy Jarlyq boıynsha, 28 maýsym - Baılanys jáne aqparat qyzmetkerleriniń kúni bolyp belgilendi.
Kásibı merekege oraı, el Prezıdenti jýrnalıserdi quttyqtady, dep habarlaıdy Almaty-akshamy.kz Akorda.kz saıtyna silteme jasap.
Qurmetti jýrnalıser, buqaralyq aqparat quraldarynyń qyzmetkerleri!
Barshańyzdy kásibı merekelerińizben shyn júrekten quttyqtaımyn!
Aqparat salasy – qoǵamdyq pikir qalyptastyratyn mańyzdy sala.
«Halyqtyń kózi, qulaǵy hám tili» retinde elge adal qyzmet etý – ár jýrnalısiń abyroıly mindeti.
Sizder qashanda ult múddesin bárinen bıik qoıyp, el qamy úshin qalam tartyp júrsizder.
Memleketshildik qundylyqty dáriptep, jasampazdyq pen jaqsylyqtyń jarshysy bolyp kelesizder.
Aqparat salasyn damytýǵa memleket tarapynan qashan da erekshe kóńil bólinedi.
Óz kásibiniń maıtalmany bolǵan qarymdy jýrnalıserge qoldaý kórsetiledi.
BAQ salasyndaǵy dástúrli Prezıdent syılyǵy – sonyń bir kórinisi.
Onyń ıegeri atanǵan azamattardyń esimi qazaq jýrnalısıkasynyń jylnamasyna jazylatyny sózsiz.
Jyl saıyn eń tańdaýly jýrnalıserge beriletin marapat osymen jıyrma besinshi ret tabystalyp otyr.
Bul syılyqqa qasterli Táýelsizdigimizdiń 30 jyldyǵy qarsańynda ıe bolýdyń da sımvoldyq máni bar.
Sizder egemendik jyldarynda urpaqtyń boıyna azattyq rýhyn sińirýge zor úles qostyńyzdar.
Men memleket pen qoǵamnyń ortasynda altyn kópir bolyp júrgen jýrnalıserdiń eńbegin joǵary baǵalaımyn.
Árqaısyńyz shynaıy aqparat taratýdyń jaýapkershiligin sezinip, ulttyq múddeniń bıiginen kórine beredi dep senemin.
Elimiz berekeli birlik pen yrysty yntymaqtyń arqasynda ósip-órkendeı tússin!
Jýrnalıser jaǵymdy jańalyǵymen jurtshylyqty qýanta bersin!
Barshańyzǵa shyǵarmashylyq shabyt, tolaǵaı tabys tileımin!
Mereke qutty bolsyn! - dedi Prezıdent Qasym-Jomart Toqaev.