Memleket basshysy Integra Construction KZ benefısıar menshik ıesi Shahmurat Mútálipti qabyldady, - dep habarlaıdy Aqshamnews.kz tilshisi Aqordaǵa silteme jasap.
Qasym-Jomart Toqaevqa iri ınfraqurylymdyq jobalardy júzege asyrý jáne óndiristik, turǵyn úı, áleýmettik nysandardy salý jóninde baıandaldy.
Sondaı-aq Prezıdentke kompanıanyń qurylys pen temir jol salalarynda iske asyryp jatqan halyqaralyq bastamalary týraly aqparat berildi.
Memleket basshysy el ekonomıkasy úshin máni zor jobalardy sapaly ári ýaqtyly oryndaýdyń mańyzdy ekenin atap ótti.
Shahmurat Mútáliptiń aıtýynsha, Integra Construction KZ birqatar áleýmettik jobany qolǵa alǵan. Máselen, kompanıa Almaty qalasyndaǵy «Baǵanashyl» balalar úıin 5 mıllıard teńge jeke qarajaty esebinen qaıta jóndeýdi bastady.
Sonymen qatar Prezıdentke Qazaqstan boksynyń qazirgi jaı-kúıi men jetistikteri, onyń ishinde ulttyq quramanyń nátıjeleri, 2028 jylǵy Olımpıada oıyndaryna daıyndyq jospary men kelesi jylǵa qoıylǵan mindetter jaıynda málimet berildi.