Tabysty íske asyrylyp jatqan írí ınvestıtsıyalyq jobalardy talqylady, dep habarlaıdy aqshamnews.kz tílshísí.
Prezıdent Qasym-Jomart Toqaev XVIII BRIKS sammıtí ayasynda Abu Dabıdíń Taq mūragerí sheıh Haled ben Mūhammed ben Zaıd Ál Nahayanmen kezdestí.
Memleket basshysy sheıh Haled ben Mūhammed ben Zaıd Ál Nahayannyń Astanaǵa jasaǵan saparynyń tarıhı mańyzyn atap óttí. Onyń ayasynda ekíjaqty qarym-qatynasty damytuǵa tyń serpín bergen mańyzdy qūjattarǵa qol qoıylǵan edí.
– Ózara yntymaqtastyǵymyz shyn mánínde san qyrly sıpatqa ıe jáne kóptegen baǵytty qamtıdy. Aldaǵy uaqytta da bírlesken jūmysty ílgeríletu úshín kúsh jūmyldyra beremíz, – dedí Qasym-Jomart Toqaev.
Prezıdent pen Abu Dabıdíń Taq mūragerí energetıka, kólík-logıstıka, aqparattyq tehnologıya jáne auyl sharuashylyǵy salalarynda tabysty íske asyrylyp jatqan írí ınvestıtsıyalyq jobalardy talqylady. Atalǵan bastamalar ekonomıkalyq yqpaldastyqty jandandyryp, ózara sauda-sattyq kólemín arttyruǵa septígín tıgízedí.
Kezdesu qorytyndysy boıynsha taraptar ekí el arasyndaǵy tyǵyz yntymaqtastyqty nyǵaıtuǵa múddelí ekenín rastady.
Qasym-Jomart Toqaev BAÁ Prezıdentí, sheıh Mūhammed ben Zaıd Ál Nahayanǵa jyly lebízín joldap, onyń Qazaqstanǵa saparmen keluín kútetínín aıtty.