El boıynsha 10 kún boıy ıgí íster atqarylady, dep habarlaıdy aqshamnews.kz
Qazaqstanda «Meıírímdí Qazaqstan» áleumettík aktsıyasy bastau aldy. Būl bastama ózara qoldau mádenıetín nyǵaıtuǵa, áleumettík jauapkershílíktí arttyruǵa jáne jastardy ıgí ísterge tartuǵa baǵyttalǵan. Aktsıya ayasynda elímízdíń óńírlerínde jastar ūıymdary men eríktílerdíń qatysuymen qaıyrymdylyq jáne volonterlík ís-sharalar keshení ótkízíledí.
Aktsıyanyń on kúní jeke-jeke taqyryptarǵa arnalmaq. Atap aıtqanda, jalǵyzbasty zeınetkerlerge kómek kórsetu, qarttar men balalar úılerín qoldau, medıtsınalyq mekemelerde donorlyq aktsıyalar ótkízu, az qamtylǵan otbasylarǵa atauly kómek kórsetu, sondaı-aq kommunaldyq qyzmet qyzmetkerlerín qoldauǵa baǵyttalǵan qoǵamdyq bastamalar júzege asyrylady.
Bastama Shyǵys Qazaqstan oblysyndaǵy Jastar resurstyq ortalyǵynyń alańynda bastaldy. Aktsıya elímízdíń barlyq óńírlerín qamtıdy.