QR Prezıdentí janyndaǵy Ortalyq kommunıkatsıyalar qyzmetínde ótken baspasóz máslıhatynda qala ákímí Baqytjan Saǵyntaev jurnalısterdíń sūraqtaryna jauap bere otyryp, moped júrgízushíleríne qoıylatyn talaptardy qatańdatu qajettígí turaly aıtty.
B. Saǵyntaev jol qozǵalysy qauípsízdígín qamtamasyz etu maqsatynda moped júrgízushíleríníń qozǵalysyn retteıtín erejeler engízíluí tıís dep sanaıdy.
"Ókíníshtísí, moped júrgízushílerí men skuter arasynda jolda júru erejelerín būzatyn jaǵdaılar bar. Mopedterde qozǵalysty retteu boıynsha sharalar qajet dep oılaımyn".
Almaty ákímí velosherıng júıesíníń jaı-kúıí turaly sūraqqa jauap bere otyryp, 2021 jyly jóndeu úshín qarajat bólíngenín jáne mausym aıynyń sońyna deıín qosalqy bólshekterdí jetkízuge shart jasalǵanyn habarlady. Jóndeu jūmystaryn qyrkúıek aıynyń sońyna deıín ayaqtau josparlanuda. Sondaı-aq, jóndeu ayasynda velosıped stansasy men dúńgírshekterdíń rebrendıngín jańartu qarastyrylǵan.
Almaty polıtsıya departamentíníń málímetínshe, júrgízílgen profılaktıkalyq ís-sharalar barysynda jol qozǵalysyna qatysushylar tarapynan 250-den astam JQE būzushylyq anyqtaldy.
Sonymen qatar, QR JQE jol qozǵalysynyń basqa qatysushylaryna teńestírílgen balamaly qozǵalys qūraldaryn basqaratyn tūlǵalar sanatynyń jaǵdaıyn retteıdí jáne QR ÁQBtK 615-baby boıynsha jauapkershílíkke tartylady (jayau júrgínshílerdíń jáne jol qozǵalysynyń ózge de qatysushylarynyń JQE būzuy).
Qozǵalystyń būl túrí neǵūrlym tanymal bolyp kele jatqanyn jáne sonyń saldarynan Almaty qalasy PD apattylyǵynyń ósuí boljanyp otyrǵanyn eskere otyryp, QR ÍÍM-ge balama qozǵalys qūraldaryn paıdalanu erejelerín qatańdatu jáne QR zańnamasyna tıístí ūsynystar engízu máselesín qarau qajettígí turaly ūsynys engízíldí. Būdan būryn habarlanǵandaı, QR ÍÍM janyndaǵy barlyq múddelí memlekettík organdardyń qyzmetkerlerínen jūmys toby qūryldy. QR "Jol qozǵalysy turaly" Zańyna, jol qozǵalysy erejeleríne, QR Ákímshílík qūqyq būzushylyq turaly kodeksíne qalalyq ortada mıkromobıldí kólíktí paıdalanudy pysyqtau bólígínde engízu úshín ūsynystar talqylanuda.
Sonymen qatar, Almaty ákímdígí baspasóz qyzmetíníń málímetínshe, megapolıste "qalanyń velo jáne jayau júrgínshíler ınfraqūrylymyn damytu strategıyasyn" ázírleu ayaqtaluda, onda problemalyq máseleler qaralyp, ūsynystar engízíledí. Strategıyada sondaı-aq veloınfraqūrylymdy damytu jáne mıkromobıldí kólíktí paıdalanatyn qozǵalysqa qatysushylardy jol qozǵalysy erejeleríne oqytu jáne balalarǵa velosıped júrgízudí úıretu kózdelgen, būl óz kezegínde avarıyalylyqty tómendetuge arnalǵan.
"Almaty baıkyna" qatysty Almaty ákímdígíníń málímetínshe, velosherıng júıesí 2016 jyly íske qosylǵan jáne velosıpedterdí ūstauǵa jetkílíktí kólemde qarjylandyru bólínbegen. Kúrdelí jóndeu jáne jınaqtaushy bólshekterdí auystyru júrgízílgen joq.