Parlament Senatynyń Tóraǵasy Máulen Áshímbaev Almaty qalasynda máslıhat deputattarymen, jūrtshylyqpen, etnomádenı bírlestíkterdíń múshelerímen jáne belsendí jastarmen kezdestí. Ís-sharalar barysynda jańa Konstıtutsıya jobasynyń negízgí mání men aldaǵy respublıkalyq referendum ayasyndaǵy bírlesken jūmystyń basym míndetterí talqylandy.
Máulen Áshímbaev kezdesuge qatysushylarǵa íltıpat bíldíríp, konstıtutsıyalyq reforma Memleket basshysy bastamashy bolǵan auqymdy jańǵyrtulardyń dáıektí jalǵasy ekenín atap óttí. Sondaı-aq ol būl sayası baǵdar ádílettílík, zań ústemdígí jáne bılíktíń qoǵam aldyndaǵy jauapkershílígí sıyaqty mańyzdy qaǵıdattarǵa taban tíreıtínín aıtty.
«Prezıdentímíz Qasym-Jomart Kemelūly Toqaevtyń bastamasymen barlyq salada keshendí jańǵyrtular júzege asyryluda. Konstıtutsıyalyq reforma – sol írgelí ózgerísterdíń zańdy árí dáıektí jalǵasy. Memleket basshysynyń Jarlyǵymen jańa Konstıtutsıya jobasy respublıkalyq referendumǵa shyǵaryldy. Osylaısha, 15 nauryzda azamattar óz tańdauyn jasaıdy. Būl – eldíń sayası júıesín demokratıyalandyru jolyndaǵy mańyzdy qadam. Jańa Ata Zańda memlekettílíktí nyǵaıtuǵa, Táuelsízdíktí kúsheıtuge jáne azamattardyń ómír súru sapasyn arttyruǵa basa mán berílgen. Sondyqtan konstıtutsıyalyq reforma zań men tártíp qaǵıdatyna, azamattardyń qūqyqtary men múddelerín qorǵauǵa, qorshaǵan ortaǵa janashyrlyqpen qarauǵa jáne ornyqty damu baǵdaryna taban tíreıdí», – dedí Máulen Áshímbaev.
Sonymen qatar Senat Tóraǵasy jańa Konstıtutsıya jobasy «Ádílettí Qazaqstan» ıdeyasyn júzege asyrudyń qūqyqtyq negízín qalaıtynyna nazar audardy. Qūjatta eldíń zıyatkerlík áleuetín damytuǵa jáne halyqtyń bírlígín nyǵaıtuǵa berík kepíl bolatyn basymdyqtar qamtylǵan. Būl jańa Ata Zańnyń adamǵa baǵdarlanuyn, mazmūnynyń aıqyndyǵyn jáne qoǵamdy ūıystyrushy rólín aıqyn kórsetedí.
«Jańa Konstıtutsıya jobasy – ótkenníń ınertsıyasynan sanaly túrde arylyp, zamanauı memlekettík modelge kóshu. Ata Zańdaǵy tūjyrymdamalyq ózgerísterdíń bírí adam qūqyqtary men bostandyqtaryn memlekettíń eń joǵary qūndylyǵy retínde bekítu ekení anyq. Jańa Konstıtutsıyada dál osy qaǵıda memlekettík qūrylym júıesíníń írgetasyna aınalady. Būl – «Ádílettí Qazaqstan» ıdeyasyn deklaratsıya deńgeıínde emes, naqty konstıtutsıyalyq normalar arqyly júzege asyru degen sóz», – dedí Palata Spıkerí.
Máulen Áshímbaev jańa Konstıtutsıya jobasyn tarıhı qūjat dep atap, būl sheshím qoǵamdyq kelísímníń jańa úlgísíne kóshu jáne íshkí sūranystar men syrtqy syn-qaterlerge berílgen uaqytyly jauap ekenín de tílge tıek ettí. Ol konstıtutsıyalyq reformany saraptamalyq tūrǵydan ílgeríletudíń mańyzyna toqtalyp, osy ıdeyalardy naqty tetíkterge, aldaǵy uaqytta qabyldanatyn zańdarǵa jáne qūqyq qoldanu tájírıbesíne tıímdí engízu qajet ekenín aıtty.
«Jańa Konstıtutsıya aldaǵy jyldarda Qazaqstannyń tūraqty, qauípsíz árí serpíndí damuyn qamtamasyz etetín memlekettík jáne sayası qūrylymdy qalyptastyruǵa negíz bolady. Būl qadam qazírgí jáne keleshektegí syn-qaterlerdí eńsere alatyn tıímdí júıe qūruǵa jol ashady. Qazír egemendíktí kúsheıtuge, Táuelsízdíktí nyǵaıtuǵa, elímízdíń quatty damuyna jaǵdaı jasauǵa jáne azamattardyń ál-auqatyn jaqsartuǵa basa mán beruímíz kerek. Sonda ǵana Qazaqstan álemdík ekonomıka men sayasatta laıyqty ornyn ıelene alady», – dedí Senat Tóraǵasy.
Talqylau barysynda sarapshylar men taldau ortalyqtarynyń ókílderí aldaǵy referendum ayasyndaǵy bírlesken jūmysqa qatysty ūsynys-oılaryn aıtyp, ózektí máseleler tóńíregínde píkír almasty.
Sapar ayasynda Senat Tóraǵasy Abaı atyndaǵy respublıkalyq mekteptíń materıaldyq-tehnıkalyq bazasymen, onyń íshínde BŪŪ kabınetíníń jáne bílím ordasyndaǵy muzeıdíń qyzmetímen tanysty. Sondaı-aq qalalyq kítaphana ūjymymen jáne megapolıstíń belsendí jastarymen kezdestí. Odan bólek, senatorlar Yandex Qazaqstan-nyń keńsesíne baryp, elímízdegí tsıfrlandyru úderísterín odan árí damytu máselelerín talqylady.
