13 aqpanda Maqsut Narikbayev University qabyrǵasynda «Ádílettí jáne progressıvtí Qazaqstannyń halyqtyq Konstıtutsıyasy úshín» jalpyūlttyq koalıtsıyasynyń múshelerí men oqu orny bazasynda qūrylǵan Studentter Assambleyasy músheleríníń kezdesuí óttí.
Kezdesuge qatysushylardyń aldynda «Assambleya jastary» RQB tóraǵasy Tımur Jūmyrbaev sóz sóıledí. Ol Konstıtutsıya halyqtyń túpkílíktí múddeleríníń kórínísí ekenín, al júrgízílíp jatqan auqymdy reformalardyń qoǵamnyń barlyq múshelerí úshín, ásírese, jastar úshín tarıhı mańyzy bar ekenín atap óttí.
Sonymen qatar, spıker «Assambleya jastary» ūıymy Konstıtutsıya jobasyn keńínen qoldaıtynyna nazar audardy, sebebí Konstıtutsıya tabysty memlekettíń írgetasy, onda adamnyń ómírí negízgí qūndylyq bolǵandyqtan, Qazaqstan jastary úshín būl úlken múmkíndíkterge jol ashady.
Kezdesuge qatysushylardyń aldynda elordalyq ózbek etnomádenı bírlestígíníń tóraǵasy Sherzod Pulatov sóz sóıledí. Ol mádenıet, ǵylym jáne bílím qūndylyqtarynyń mańyzdylyǵyna toqtaldy, būl qaǵıdattardyń basymdyǵy adamı kapıtaldy damytudyń jańa kezeńí ekenín, sondaı-aq jas talanttardy qoldaudyń mańyzdy sharalary turaly aıtyp berdí.
Ís-shara barysynda qatysushylar jańa Konstıtutsıyaǵa qoldau bíldíríp, qūjattyń qazírgí jáne bolashaq ūrpaqtyń senímdí damuyna negíz bolatynyn túsínu jastar úshín mańyzdy ekenín atap óttí. Basqa unıversıtetterde de osyndaı kezdesuler ótkízudíń ózektílígí jáne jastar qauymdastyǵyna jańa Konstıtutsıyanyń negízgí erejelerín odan árí túsíndírudíń mańyzy atap ótíldí.
Ís-sharaǵa Astana qalasynyń joǵary oqu oryndarynyń studenttík assambleyalarynyń ókílderí, etnomádenı bírlestíkterdíń jastary jáne sarapshylar qauymdastyǵynyń ókílderí qatysty.