MÁMS júıesine qatyspaıtyn adamdarǵa stasıonar jaǵdaıynda kórsetiletin shuǵyl, ómirge qaýip tóndiretin jaǵdaılar kezindegi mamandandyrylǵan medısınalyq kómek túrleriniń tizbesi bekitildi, dep habarlaıdy aqshamnews.kz
Atap aıtqanda, ómirge qaýip tóndiretin jedel jaǵdaılar qataryna jáne stasıonarda kórsetiletin mamandandyrylǵan medısınalyq kómekke (onyń ishinde táýlik boıǵy stasıonardyń qabyldaý bóliminde dıagnoz anyqtalǵanǵa deıin júrgiziletin emdeý-dıagnostıkalyq is-sharalar) tómendegideı aýrýlar men jaǵdaılar engizilgen:
Júrek-qantamyr aýrýlary (jedel koronarlyq sındrom, ınfarkt, ınsýlt);
Jaraqattar (aýyr synýlar, bas-mı jaraqaty, denege ótetin jaraqattar);
Tynys jetispeýshiligi (tynys joldarynyń bógde zatpen bitelýi, pnevmonıanyń aýyr túrleri);
İshtiń qatty aýyrýy (soqyrishektiń qabynýy, ishek ótimsizdigi, perforasıa belgileri);
Alergıalyq reaksıalar (aýyr anafılaksıa);
Ýlanýlar (ýly hımıalyq zattarmen, esirtkimen nemese aýyr ınfeksıalarmen ýlaný);
Psıhıkalyq buzylystar (jedel psıhozdar, sýısıdtik oılar nemese óz-ózine qol jumsaý áreketteri);
Endokrındik krızder (gıperglıkemıalyq nemese gıpoglıkemıalyq koma, tıreotoksıkalyq krız);
Ómirge qaýip tóndiretin jáne táýlik boıy baqylaýdy, qarqyndy terapıany qajet etetin kez kelgen jaǵdaılar;
Júkti áıelder men bosanǵannan keıingi 42 kún ishindegi áıelderdiń kez kelgen shaǵymdary.
Barlyǵy 917 aýrý túri osy tizimge engizilgen.
Buıryq 2027 jylǵy 1 qańtardan bastap kúshine enedi.