Endi oqýǵa qabyldaý jylyna eki ret ótkiziledi.
Bıyl 1 qarashada magıstratýraǵa túsý úshin ekinshi márte ótkiziletin keshendi testileýge qujattardy qabyldaý bastalady, dep habarlaıdy Almaty-akshamy.kz
Bul týraly málimet bergen Bilim jáne ǵylym mınıstrliginiń aqparaty boıynsha, baıqaýǵa jazda grantqa túse almaǵan úmitkerler de, buryn keshendi testileýden ótpegender de qatysa alady.
«Mundaı mańyzdy sheshimderdi qabyldaý kezinde mınıstrlik stýdentterdiń múddesin árqashan birinshi orynǵa qoıady. Buǵan deıin Bilim jáne ǵylym mınıstri Asqat Aımaǵambetov memlekettik grantqa úmitkerler jylyna eki ret, dástúrli túrde – jazda jáne qosymsha qysta testileýden óte alatynyn habarlaǵan. Endi talapkerler 1 qarashadan bastap magıstratýraǵa túsý úshin ekinshi márte ótkiziletin keshendi testileýge qujattaryn tapsyra alady. Testileýdi sátti tapsyrǵan jaǵdaıda úmitkerler jaz aıynda oqýǵa qabyldaý qorytyndysy boıynsha bólingen granttardy utyp ala alady», - dep atap ótti Bilim jáne ǵylym vıse-mınıstri Qýanysh Erǵalıev.