Qazaqstan Respublıkasy Parlamentí Májílísíníń deputaty, Qazaqstan Halyq partıyasy fraktsıyasynyń jetekshísí Magerram Magerramov Konstıtutsıyalyq reforma jóníndegí komıssıyanyń 12-shí otyrysynda jańa Konstıtutsıya jobasynyń mańyzdylyǵy turaly aıtyp, qūjattyń óńírlerde keńínen qoldau tapqanyn jetkízdí, - dep habarlaıdy aqshamnews.kz.
Deputat qūjatta «Ádílettí Qazaqstan» qaǵıdatynyń aıqyndalǵanyn atap óttí.
«Qazaqstan Respublıkasynyń jańa Konstıtutsıyasynyń jobasy alǵash ret Preambula men jalpy erejeler deńgeıínde memlekettík damudyń írgelí baǵdary retínde «Ádílettí Qazaqstan» qūndylyǵyn belgíledí. Ádílettí Qazaqstan qaǵıdaty Qazaqstan Halyq partıyasy tolyq qoldaıtyn áleumettík ádílettílíktí bíldíredí. Ádílettí Qazaqstan – «Zań men Tártíp» qaǵıdatyn sózsíz ūstanatyn el; teń múmkíndíkter elí, kepíldendírílgen qūqyqtar men bostandyqtar elí», – dedí deputat.
Sondaı-aq, ol tarıhı sabaqtastyq pen ūlttyq qūndylyqtarǵa nazar audardy. Onyń aıtuynsha, jańa Konstıtutsıyanyń Preambulasynda qoǵamdyq beıbítshílík pen ornyqty damudyń jalǵyz qolaıly negízí retínde etnosaralyq jáne konfessıyaaralyq kelísímge aıtarlyqtaı kóńíl bólíngen. Onyń sózínshe, eńbek etuge qūqyǵy turaly norma erekshe qoldau tapty.
Instıtutsıonaldyq ózgeríster turaly aıta kele, Magerramov memlekettík bılíktíń jańa qūrylymy jaıynda sóz qozǵady. Bírpalataly Parlamenttí, «Halyq keńesí» joǵary konsultatıvtík organyn qūru, sondaı-aq Konstıtutsıya jobasynyń túbegeılí jańalyqtary jańa baǵdar beredí. Deputattyń aıtuynsha, qazír memleket tek protsesterdí basqaruǵa ǵana emes, azamattarǵa qyzmet etuge negízdelgen.
Magerramov jobanyń keńínen qoldau tapqanyna toqtalyp, ony referendumǵa shyǵarudy ūsyndy.
«Men qazaqstandyqtardyń basym kópshílígíníń jańa Konstıtutsıya jobasyn tolyq qoldaıtynyn senímmen aıta alamyn. Mūny tek Komıssıyanyń ǵana emes, sonymen qatar elímízdíń barlyq óńírleríndegí jańa Konstıtutsıya jobasyn ártúrlí qoǵamdyq, áleumettík toptarmen, qoǵamdyq ūıymdarmen jáne eńbek ūjymdarymen talqylau ayasynda kezdesulerdí ótkízgen Halyq partıyasy fılıaldarynyń jūmysyna baılanysty aıtyp otyrmyn»,– dedí ol.
Májílís deputaty Qazaqstan Halyq partıyasynyń fraktsıyasy tarapynan Parlament Májílísínde barlyq fılıaldarynyń, sarapshylardyń, ǵylymı jáne zań qoǵamdastyǵy ókílderíníń, kásípkerlerdíń, úkímettík emes ūıymdardyń qatysuymen keńeıtílgen otyrys ótkízílgenín atap óttí. Otyrysqa 100-ge juyq adam qatysyp, azamattar jańa Konstıtutsıya jobasyna bírauyzdan qoldau bíldírdí.
«Jańa Konstıtutsıyanyń jobasy – ótken kezeń men búgíngí basymdyqtardy túsíne otyryp, Qazaqstannyń bolashaqtaǵy jańa baǵdary turaly sheshím qabyldaǵan halyqtyń bírlígí men bírtūtastyǵynyń belgísí dep aıtuǵa bolady. Joǵaryda aıtylǵandardy eskere otyryp, bíz jańa Konstıtutsıyanyń jobasyn jalpyhalyqtyq referendumǵa shyǵarudy ūsynamyz», – dep qorytyndylady sózín Magerram Magerramov.
