«Ádílettí jáne Progressıvtí Qazaqstannyń Halyqtyq Konstıtutsıyasy úshín!» Jalpyūlttyq koalıtsıyasynyń alǵashqy jıynynda Respublıkalyq advokattar alqasynyń tóraǵasy Madı Myrzaǵaraev sóz sóılep, jańa Konstıtutsıyadaǵy «Zań men Tártíp» qaǵıdasynyń mánín jáne advokattyq ınstıtuttyń qoǵamdaǵy ornyn turaly aıtty.
Advokattar alqasy tóraǵasynyń aıtuynsha, advokattar kún saıyn adamdardyń taǵdyrymen, ádíldíkke degen úmítímen betpe-bet keledí.
«Qaǵazdaǵy zań normalarynyń artynda árdaıym adam ómírí, qūqyǵy men bostandyǵy, ataq-abyroıy, otbasy men bolashaǵy tūrady. Jańa Konstıtutsıyada «Zań men Tártíp» qaǵıdasy aıqyndaldy. Būl – elímízdíń barlyq qūqyqtyq júıesín qamtıtyn qūndylyqtardy jıyndyǵy. Árıne «Zań men Tártíp» ūǵymy qysymdy kúsheıtu nemese erejelerdí qatańdatu degen myǵyna bermeıdí. Būl – eń áuelí, zańdy qūrmetteu, zań aldyndaǵy teńdík degen sóz», – dedí ol.
Madı Myrzaǵaraev būl qaǵıdanyń azamattardyń qūqyqtaryn qorǵauǵa naqty kepíldík beretínín atap óttí. Jańa normalarǵa sáıkes, qūqyq qorǵau organdary adamdy ūstaǵan sátten bastap onyń qūqyqtaryn túsíndíruge míndettí. Ár azamattyń bílíktí zań kómegín alu, qamauǵa alynǵan sátten bastap ózín qorǵau, kínásízdík prezumptsıyasy saqtaluy sıyaqty negízgí kepíldíkterí aıqyndalady. Sonymen qatar adamdy ózíne nemese jaqyndaryna qarsy aıǵaq beruge májbúrleuge jol berílmeıdí.
Spıkerdíń sózínshe, būl – qaǵıdalar advokattar úshín tek deklaratsıya emes, zań men zańsyzdyqtyń arasyn aıqyndaıtyn naqty ólshem. Eger azamattarǵa qūqyqtary der kezínde túsíndírílíp, qorǵaushy íske kedergísíz kírísse, al sot kínásízdík prezumptsıyasyn saqtasa, qūqyqtyq júıe tıímdí árí ádíl jūmys ísteı bastaıdy. Sol kezde ádíldíkke degen sením de naqty íster arqyly nyǵayady.
Jańa Konstıtutsıyada jeke ómír men derekterdí, onyń íshínde tsıfrlyq ortadaǵy qūpıyalylyqty qorǵau máselesíne de erekshe kóńíl bólíngení aıtyldy. Būl – qazírgí tsıfrlyq qoǵam úshín asa ózektí baǵyttardyń bírí.
Eske sala keteıík, búgín Astanada Konstıtutsıyalyq reformany qoldau maqsatynda «Ádílettí jáne Progressıvtí Qazaqstannyń Halyqtyq Konstıtutsıyasy úshín!» dep atalatyn jalpyūlttyq koalıtsıyasy qūryldy. Onyń qūramyna elímízdegí sayası partıyalar, qoǵamdyq ūıymdar, deputattar, zıyaly qauym ókílderí, jastar bírlestíkterí, kásípodaq ūıymdary t.b. kírdí.
