Álemge áıgílí ánshíníń ónerín tamashalau úshín Qazaqstannyń túkpír-túkpírínen jáne shetelden jankúıerler Almatyǵa arnaıy kelíp jatyr, – dep habarlaıdy aqshamnews.kz tílshísí.
Búgín keshke Almatynyń Ortalyq stadıonynda ıspanıyalyq ánshí, latyn muzykasynyń jūldyzy Enrıke Iglesıastyń kontsertí ótedí.
Solardyń bírí - Los-Andjelesten arnaıy ūshyp kelgen Krıstına. Ol Enrıke Iglesıastyń ánderín mektep kezínen berí tyńdap keledí. Krıstına súıíktí ánshísín sahnadan kóru jáne jastyq shaǵyn eske salatyn súıíktí ánderín jandy dauysta tyńdau úshín Almatyǵa kelgen.
«Men Almatyǵa alǵash ret kelíp otyrǵan joqpyn. Būl qala maǵan óte ūnaıdy. Almaty óte ádemí árí jasyl qala, mūnda erekshe kóńíl-kúı bar. Osyndaı álemdík deńgeıdegí jūldyzdyń kontsertí dál osy qalada ótíp jatqanyna óte quanyshtymyn», - deıdí Krıstına.
Kontsert bastalmaı jatyp-aq Ortalyq stadıon mańynda merekelík kóńíl-kúı sezíledí. Jankúıerler suretke túsíp, dostarymen kezdesíp, kópten kútken keshtí asyǵa kútude. Bírer saǵattan keıín Almaty tūrǵyndary men qala qonaqtary Enrıke Iglesıastyń kópshílík súıíp tyńdaıtyn ánderín bírge shyrqaıtyn bolady.