Qazaqstan Respublıkasynyń halyq ártísí, T.Júrgenov atyndaǵy Qazaq ūlttyq óner akademıyasynyń professory Lakı Kesoglu 15 nauryzda ótetín referendumdy qoldap sóz sóıledí, – dep habarlaıdy aqshamnews.kz tílshísí.
Ol dauys beruge qatysudy ár adamnyń azamattyq boryshy dep otyr.
«15 nauryzda elímíz jańa Konstıtutsıyany qabyldau jóníndegí referendumǵa qatysady. Qazaqstan Respublıkasynyń zańǵa baǵynatyn azamaty retínde men míndettí túrde dauys beruge baramyn. Jańa Konstıtutsıya bízdíń ómírímízdíń kóptegen qyryn, sonyń íshínde memlekettíń egemendígín de qamtıdy. Jeke ózímdí būl qūjatta ónerdíń mańyzyna, onyń bastaularyn saqtauǵa jáne qazírgí qoǵamdaǵy rólíne erekshe kóńíl bólíngení quantady. Men būl túzetulerdí dūrys dep sanaımyn. Barshańyzdy saılau uchaskeleríne kelíp, tańdau jasauǵa shaqyramyn sol kúní», — deıdí Lakı Kesoglu.
Óner ıesí mádenıet pen óner árqashan ūlttyq bíregeılíktíń ajyramas bólígí bolyp kelgenín atap óttí. Olardyń mańyzyn negízgí zań deńgeıínde bekítu memlekettíń qoǵamnyń ruhanı damuyna kóńíl bólíp jatqanyn kórsetedí.
Professordyń píkírínshe, referendumǵa qatysyp, ár azamat eldíń bolashaǵyna, onyń árí qaraı damuyna úles qosady eken.
