Kreatıvtí ındustrıyanyń bolashaǵy jarqyn
Almaty qalasynyń ákímí Baqytjan Saǵyntaevtyń 25 mausymdaǵy tíkeleı efırde ótken brıfıngíne qala tūrǵyndary píkír bíldíríp jatyr. Solardyń bírí Beknūr Dosjan KISIKOV, jazushy, qalalyq Qoǵamdyq keńes múshesí, Eurazıyalyq franchaızıng qauymdastyǵy tóraǵasy, dep habarlady Almaty-akshamy.kz.
«Shahar basshysynyń barlyq sózí oryndy. Dese de, osy tūsta maǵan erekshe áser etkení kreatıvtí ındustrıyaǵa qatysty aıtqan oıy.
«Kreatıvtí ındustrıya» termıní ár túrlí salalarmen baılanysty: ekonomıkalyq saladan áleumettík mádenı salalarǵa deıín qamtıdy. Ol shyǵarmashylyq qyzmettíń ár túrlí salalarynda ınnovatsıyalyq tehnologıyalardyń eleulí orny: oıyndardy ázírlegen kezde, baǵdarlamalyq ónímderdíń ár túrínde, vırtualdy nemese tolyqtyrylǵan shyńdyq ónímderínde, muzyka, óner, jarnama, sáulet, kınematografıya, anımatsıya, dızaın jáne shyǵarmashylyq qyzmetpen tíkeleı nemese janama túrde baılanysty basqa da salalar.
Búgínde, rasymen qalamyz kreatıvtí tūrǵydan jaqsy damyp keledí. Máselen «Alatau» kreatıvtí haby» bar. Mūndaı ortalyqtar, bastamalar, ásírese qazírgí jaǵdaıda kásípkerlerge úlken kómek beredí. Keleshekte qalada kretıvtí ındustrıya jaqsy damıdy degen oıdamyn.
Franchaızıng qauymdastyǵynyń ókílí retínde, qala aumaǵynda kásípkerlerge jasalatyn jaǵdaıdy dūrys dep oılaımyn. Bízdíń elímízde bıznestíń 90 paıyzy daǵdarysqa deıíngí kezeńge beıímdelgen. Yaǵnı barlyǵy tūraqty tabystyń boluyna úıreníp qalǵan. Al daǵdarys kezínde kásíp júrgízudíń ádísí ózgerdí. Būrynǵydaı mol tabys túspegenímen, áupírímdep ómír súruge bolady. Kásípkerlerdíń dení bolashaqta tabys tabu úshín qyzmetín jalǵastyra beruge ūmtylady. Ashyǵyn aıtu kerek, bízdíń kásípkerler mūndaı jaǵdaıǵa álí beıímdelmegen. Desek te, osynyń ózí elímízde, shaharda naryqtyń qarqyndy jūmys ístep tūrǵanyn kórsetedí. Būl – jūmys ístegísí kelmeıtínder ketedí, olardyń ornyn basqalar basady degen sóz. Shaharda bírshama bıznes túrleríníń qyzmetí toqtaıdy. Esesíne jańa kásíp túrlerí men kásípkerler paıda bolady. Eń myqty brendter ǵana ózín-ózí saqtap qalady. Aldaǵy uaqytta naryqta demokratıyalyq qūndylyqtarǵa beıímdelgen bıznes túrlerí ǵana damıdy. Kásípkerler az aınalymnan kóp paıda tauyp úırengen. Endígí jerde bıznestí damytudyń álemdík úlgísímen júruge tura keledí. Yaǵnı aınalym kóp, paıda az bolady. Būl – tūtynushylar úshín tıímdí. Shaharda pandemıya kezínde kásíbí tūralap qalǵan kásípkerlerge jańa jūmys oryndary ashylatyny aıtyldy. Mūnyń ózí qala basshysy tarapynan ūsynylǵan jaqsy múmkíndík», - dedí Beknūr Dosjan Kısıkov.