2026 jylǵy 18 nauryzda Almaty qalasynda Qazaqstan-Brıtan tehnıkalyq unıversıtetí alańynda «Konstıtutsıya – bírlígímízdíń tíregí» taqyrybynda dóńgelek ústel óttí, – dep habarlaıdy aqshamnews.kz tílshísí.
Ís-sharanyń maqsaty – aǵymdaǵy jylǵy 17 nauryzda búkílhalyqtyq referendum qorytyndysy boıynsha Qazaqstan Respublıkasynyń Prezıdentí Qasym-Jomart Toqaev qol qoıǵan QR Konstıtutsıyasyndaǵy negízgí novellalar men onyń mańyzyn talqylau.
Dóńgelek ústel jūmysyna ǵylymı jáne saraptamalyq qauymdastyq ókílderí, sondaı-aq qoǵam qaıratkerlerí qatysty.
Moderator retínde Ál-Farabı atyndaǵy QazŪU Zań fakultetíníń Memleket jáne qūqyq, konstıtutsıyalyq jáne ákímshílík qūqyq teorıyasy men tarıhy kafedrasynyń professory Alua Ibraeva boldy.
Ís-shara ayasynda qūqyqtyq júıení damytu men azamattyq qoǵamdy nyǵaıtuǵa qatysty ózektí máseleler boıynsha ashyq dıalog ótkízílíp, píkír almasu júrgízíldí.
FSDI Salystyrmaly sayası zertteuler ortalyǵynyń basshysy Aıdar Ámrebaev qabyldanǵan Konstıtutsıya normalarynyń adamǵa baǵdarlanǵan sıpatyn joǵary baǵalady. «Halyq úní» QB baqylaushysy, Eurazıyalyq franchaızıng qauymdastyǵynyń Prezıdentí Beknūr Qısyqovtyń aıtuynsha qabyldanǵan Negízgí Zańnyń mazmūndyq normatıvterí Qazaqstan halqynyń múddeleríne tolyqtaı baǵyttalǵan, al búkílhalyqtyq referendum barysynda óreskel zańbūzushylyqtar baıqalmady. Sayasattanushy Marat Shıbutov qabyldanǵan Konstıtutsıyany ázírleuge halyqtyń qatysqanyn atap ótíp, onyń Qazaqstanda adamı áleuettí odan árí ashudaǵy rólín aıqyndady jáne qabyldanǵan normalardyń jastardy damytudaǵy mańyzdylyǵyn aıqyndady. Almaty Azamattyq Alyansynyń tóraǵasy Qaıyrjan Ábdíhalyqovtyń píkírínshe, qabyldanǵan konstıtutsıyalyq normalar azamattyq qoǵamdy damytu úshín berík negíz bolyp tabylady. Máslıhat deputaty Ákím Tūrsyn Konstıtutsıya azamattardyń ál-auqatyn arttyrudyń sheshushí faktorlary retínde medıtsına men tsıfrlyq ınnovatsıyalardy damytuǵa qatysty keń tásíldí bekítetínín atap óttí.
Talqylau qorytyndysy boıynsha jańartylǵan Konstıtutsıya qoǵamnyń ádíldíkke, ashyqtyqqa jáne ornyqty damuǵa degen sūranysyn beıneleıtín progressıvtí qoǵamdyq kelísímshartqa aınalǵany atap ótíldí. Sarapshylar alda qabyldanǵan konstıtutsıyalyq ózgerísterdí íske asyru boıynsha auqymdy árí jauapty jūmys tūrǵanyn atap ótíp, sondaı-aq Konstıtutsıyanyń jańǵyrtu áleuetí men onda bekítílgen qūndylyqtar qoǵamnyń odan árí bíríguíne jáne Qazaqstan halqy bírlígíníń nyǵayuyna yqpal etetíníne sením bíldírdí.