Qazaqstanda Konstıtutsıyaǵa qatysty respublıkalyq referendum 15 nauryzda ótedí, dauys beru uchaskelerí 07:00-den 20:00-ge deıín jūmys ísteıdí, dep habarlaıdy Aqshamnews.kz tílshísí.
Ortalyq referendum komıssıyasynda (Ortalyq saılau komıssıyasy) aldaǵy jalpyhalyqtyq dauys beruge daıyndyq pen ótkízudíń negízgí kezeńderí tanystyryldy. Komıssıya tóraǵasynyń orynbasary Mūhtar Ermannyń aıtuynsha, dauys beru uaqyty aumaqtyq komıssıyalardyń sheshímíne qaraı dauys berushílerge qolaıly bolu úshín ózgeruí múmkín.
Komıssıya málímetínshe, referendum nauqanynyń ūzaqtyǵy – kún belgílengen sátten bastap dauys beru kúníne deıín 32 kún. Osy kezeńde ákímdíkter dauys berushíler tízímín bírden jasaqtauǵa kírísedí.
Kúntízbelík jospar:
-
22 aqpan – dauys berushíler tízímí ákím qolymen bekítílíp, uchaskelerge beríledí jáne elektron túrde Ortalyq komıssıyaǵa joldanady;
-
27 aqpannan bastap – azamattar uchaskelerde tízímmen tanysa alady;
-
4 nauryzǵa deıín – uchaskelík komıssıyalar dauys beru orny men uaqyty turaly halyqty habardar etedí;
-
14 nauryz – «tynyshtyq kúní» (úgít toqtaıdy);
-
21 nauryzǵa deıín – resmı qorytyndy nátıjeler BAQ-ta jarıyalanady (7 kúnnen keshíktírmeı).
Mūhtar Erman úgít-nasıhat dauys beru kúníne deıíngí táulíktíń 00:00-íne deıín júrgízíletínín atap óttí. Sonymen qatar 15 nauryzǵa josparlanǵan referendumǵa arnalǵan negízgí ís-sharalardyń kúntízbelík jospary ázírlengení aıtyldy.
