Kóliktegi polısıa departamentinde jeke quramnyń qysqy kıim nysanyna aýysýyna baılanysty saptyq baıqaý ótkizildi, – dep habarlaıdy aqshamnews.kz Polisia.kz-ke silteme jasap.
İs-sharaǵa departament basshylyǵy men kólik polısıasynyń barlyq jeke quramy qatysty. Departament bastyǵynyń orynbasary Ondasyn Ashtaev formalyq kıimdi, jetondar men tósbelgilerdiń bolýyn, qyzmettik kýálikterdiń sáıkestigin, sondaı-aq qyzmetkerlerdiń saptyq daıarlyǵy men syrtqy kelbetin tekserdi.
"Mundaı saptyq baıqaýlar polıseılerdiń saptyq mádenıetin arttyryp, tártip pen jınaqylyqty nyǵaıtýǵa yqpal etedi. Tártip saqshysynyń uqypty syrtqy kelbeti azamattardyń senimin qalyptastyryp, polısıa organdarynyń bedelin kóterýge múmkindik beredi", — dedi Ondasyn Ashtaev.
Qyzmetkerdiń syrtqy kelbeti – onyń ishki tártibi men kásibı biliktiliginiń kórinisi. Saptyq baıqaý saltanatty sherýmen aıaqtaldy. Departamenttiń dástúrli saptyq baıqaýlary barlyq aýmaqtyq bóliniste ótedi.