Jobanyń resmı saıtynda 250 myńnan astam qatysushy tírkelgen, dep habarlaıdy aqshamnews.kz tílshísí.
Qazaqstan Respublıkasy Ǵylym jáne joǵary bílím mınıstrlígí men «Kítap oqıtyn ūlt – Chıtayushchaya natsıya» qoǵamdyq qory respublıkalyq «Kítap oqıtyn ūlt» oqu marafony ayasynda yntymaqtastyq turaly memorandumǵa qol qoıdy.
Qūjatqa QR Ǵylym jáne joǵary bílím mınıstrí Sayasat Nūrbek jáne «Kítap oqıtyn ūlt – Chıtayushchaya natsıya» qoǵamdyq qorynyń tóraǵasy Baqytjan Tūrlybekov qol qoıdy.
Memorandum ayasynda joǵary bílím beru ūıymdarynyń studentterí respublıkalyq oqu marafonynyń arnaıy «Kítap oqıtyn unıversıtet» baǵytyna qatysa alady.
Joba student jastar arasynda oqu mádenıetín damytuǵa, oqyrman sauattylyǵyn arttyruǵa jáne otandyq árí álemdík ádebıetke degen tūraqty qyzyǵushylyqty qalyptastyruǵa baǵyttalǵan.
Alty aı íshínde qatysushylar qazaq nemese orys tílderínde 15 kítap oquy tıís. Odan keıín studentter testíleu jáne zıyatkerlík kvızder arqyly óz bílímderín tekseredí.
«Kítap oqu mádenıetín damytu – zamanauı adamı kapıtaldy qalyptastyrudyń mańyzdy bólígí. Unıversıtet – tek kásíbı bílím alatyn oryn ǵana emes, sonymen qatar ıntellektualdyq jáne tūlǵalyq damuǵa múmkíndík beretín orta. Oqudyń studenttík ómírdíń tabıǵı bír bólígíne aınaluy úshín jaǵdaı jasau mańyzdy. «Kítap qıtyn unıversıtet» studentterdí kítap tóńíregíne bíríktíríp, olardyń oı-órísín keńeıtíp, ózín-ózí damytuǵa degen tūraqty daǵdy qalyptastyruǵa múmkíndík beredí dep senemín», – dedí QR Ǵylym jáne joǵary bílím mınıstrí Sayasat Nūrbek.
«Kítap oqıtyn ūlt – Chıtayushchaya natsıya» qoǵamdyq qorynyń tóraǵasy Baqytjan Tūrlybekov unıversıtet qauymdastyǵyn oqu mádenıetín damytuǵa tartudyń mańyzdylyǵyn atap óttí.
«Student jastar – bízdíń bastamamyzdyń negízgí audıtorıyalarynyń bírí. Bízdíń míndetímíz – oqudy bír rettík aktsıya emes, kúndelíktí ómírdíń bír bólígíne aınaldyru. «Kítap oqıtyn unıversıtet» formaty tek 15 kítap oquǵa ǵana emes, sonymen qatar shyǵarmalardy talqylauǵa, olardyń mazmūnyn saralauǵa jáne píkír almasuǵa múmkíndík beredí. Unıversıtetterdíń qatysuy jastar arasynda belsendí oqyrmandyq qauymdastyq qalyptastyruǵa yqpal etedí dep senemíz», – dedí Baqytjan Tūrlybekov.
«Kítap oqıtyn ūlt» respublıkalyq marafony oqu mádenıetín damytu, oqyrman sauattylyǵyn arttyru, kítapty keńínen nasıhattau jáne qoǵamda ıntellektualdyq orta qalyptastyru maqsatynda júzege asyryluda.
2026 jyly marafon bírneshe baǵyt boıynsha ótkízíledí: «Kítap oqıtyn mektep», «Kítap oqıtyn kolledj», «Kítap oqıtyn unıversıtet», «Kítap oqıtyn pedagog», «Kítap oqıtyn áulet», «Kítap oqıtyn memlekettík qyzmetshí» jáne «Kítap oqıtyn zıyatker».
Qatysushylardy tírkeu 2026 jylǵy 15 qyrkúıegíne deıín jalǵasady. Qazírgí tańda jobanyń resmı saıtynda 250 myńnan astam qatysushy tírkelgen.
Marafonǵa jobanyń resmı saıty arqyly qatysuǵa bolady: reading-nation.kz
Memorandum joǵary bílím beru ūıymdarynyń respublıkalyq marafonǵa qatysu ayasyn keńeıtíp, studentterdíń oqu mádenıetín, ıntellektualdyq qarym-qatynasyn jáne ózíndík bílím aluyn damytuǵa qosymsha múmkíndíkter beredí.