Tanymal jurnalıst Gúlmıra Ábíqaı "Alash Orda" arnasynda Atyrau oblysyndaǵy dau tudyrǵan oqıǵaǵa qatysty píkír bíldírdí, - dep habarlaıdy aqshamnews.kz tílshísí Arasha.kz-ke sílteme jasap.
Jurnalıstíń aıtuynsha, marqūmdardyń eń jaqyn tuystarynyń bírí Ásılá Mūqanǵalıevanyń ózí kúdíktí retínde atalyp júrgen Sūltannyń syrt kelbetí men mínez-qūlqyn naqty sıpattap bere almaıdy.
"Sūltannyń túrín bárímíz fotorobottan kórdík qoı. Al Ásılá apaı "Ol eshqashan bízben bírge otyrysta bolǵan joq. Alǵashynda alyp qashyp ketken soń qūda bolyp bír-aq ret keldí, odan keıín aralaspadyq", – deıdí ol. Men "Qūdaǵıyńyz sízderdí kínálap jatyr ǵoı" desem, "Bíz baraıyq" desek, Aqbayan "Kelmeńder-kelmeńder" dep aıtatyn. Shynyn aıtsaq, qyzymyzdy tórtínshí balasyn bosanǵan kezde bír-aq ret kórdík. Al besínshí balasyn bosanǵanyn típtí kórmedík. Sebebí Aqbayan "Kelmeńder, enem men Sūltan solaı aıtty" dep jolatpady", – deıdí. Álbette, Aqbayannyń ózí solaı aıtqan soń, qyzdyń tórkíní jaqyndamaǵan. Bír qyzyǵy, eń jaqyn tuystarynyń ózí kúıeu balasynyń túrí qandaı ekenín esíne saqtaı almaı, mínezín bílmeı otyrsa, ony kórshílerí men ózge adamdar qaıdan bílsín? Shynynda da, tomaǵa-tūıyq, eshkímmen aralaspaıtyn otbasy bolǵany aıtylady. Dál osyndaı otbasyna qatysty adamdar men uchaskelík polıtsıya kúdíkpen qarauy kerek emes pe?" – deıdí ol.
Atyrau oblysynda joǵalǵan otbasynyń ísí
Eske salaıyq, 25 jeltoqsanda Atyrau oblysynyń polıtsıyasyna bír otbasy joǵalǵany turaly aryz túsken.
Atyrau oblysy PD
6 qańtarda erlí-zaıypty ólí tabyldy. Olardyń ūl-qyzy álí ízdestírílíp jatyr.
"Būl derek boıynsha adam óltíru belgílerímen qylmystyq ís qozǵaldy. Kúdíktíler anyqtaldy. Qazír olardy ízdeu jáne ūstau maqsatynda qūqyq qorǵau organdary jedel ízdestíru ís-sharalaryn júrgízíp jatyr", - dedí būǵan deıín polıtsıya.
8 qańtarda erlí-zaıyptyny aqtyq saparǵa shyǵaryp salu rásímí óttí.
Sonymen qatar, Jangeldın auylynda qaıtys bolǵan erlí-zaıyptynyń ólímíne baılanysty kúdíktíge ízdeu jarıyalandy. Kúdíktí - Atyrau oblysy Mahambet audanynyń 29 jastaǵy tūrǵyny. Būl oqıǵaǵa ózge de adamdardyń qatysy bar-joǵy tekserílíp jatyr.