Mūny vıtse-premer Aıda Balaeva málímdedí, – dep habarlaıdy aqshamnews.kz tílshísí.
Qazaqstanda talapkerlerdí íríkteu júıesín jetíldíru maqsatynda Ūlttyq bíryńǵaı testíleu (ŪBT) formatyna bírqatar ózgeríster engízu josparlanyp otyr.
Mınıstrdíń aıtuynsha, adamı kapıtalǵa ınvestıtsıya jasau – memlekettík sayasattyń basty basymdyqtarynyń bírí. Būl baǵyt Qasym-Jomart Toqaev júrgízíp otyrǵan reformalardyń negízín qūraıdy. Búgínde álem elderí bílím beru júıesín jańǵyrtyp, jańa modelder men tsıfrlyq sheshímderdí engízude.
«Qazírgí tańda bílím beru salasy tek bílím berumen shektelmeı, naqty daǵdylardy meńgergen, eńbek naryǵyna beıímdelgen mamandardy dayarlauǵa baǵyttaluy tıís. Būl – sapaly jańa kezeńge kóshu», – dedí Aıda Balaeva.
Osyǵan baılanysty talapkerlerdí íríkteu júıesínde, ásírese pedagogıkalyq mamandyqtarǵa qabyldau kezínde jańa tásílder engízílmek. Atap aıtqanda, testíleumen qatar arnaıy emtıhandardy qamtıtyn gıbrıdtí baǵalau formasy qoldanylady. Būl tásíl talapkerlerdíń tek pándík bílímín ǵana emes, sonymen bírge synı oılau, taldau jáne kommunıkatsıyalyq daǵdylaryn baǵalauǵa múmkíndík beredí.
Sonymen qatar, kelesí jyldan bastap pedagogıkalyq baǵyttarǵa túsu kezínde ŪBT nátıjelerímen qatar auyzsha emtıhandar da eskerílmek. Būl emtıhandarda talapkerlerdíń oquǵa daıyndyǵy men kásíbı beıímdílígíne erekshe nazar audarylady.
Mınıstr sondaı-aq ŪBT-ny bír ret tapsyru formatyna kóshíru ūsynylyp otyrǵanyn atap óttí. Onyń sózínshe, būl sheshím grant konkursyna qatysu kezínde ádíl árí obektıvtí baǵalaudy qamtamasyz etuge baǵyttalǵan. Al talapkerlerdíń daıyndyq deńgeıín tekseru úshín synaq testíleu júıesí saqtalady.
Būdan bólek, joǵary oqu oryndaryna Foundation baǵdarlamalary arqyly shartty qabyldau tájírıbesínen bas tartu josparlanyp otyr. Sebebí mūndaı júıemen qabyldanǵan studentterdíń edáuír bólígí oqu barysynda qajettí shektí balldy jınaı almaıdy.
«ŪBT júıesín ózgertu – testíleuden bas tartu emes. Būl – daryndy talapkerlerdí anyqtap, ádíl íríkteuge baǵyttalǵan mańyzdy qadam», – dep qorytyndylady Aıda Balaeva.
Jalpy, ūsynylyp otyrǵan ózgeríster bílím beru sapasyn arttyryp, eldíń ūzaq merzímdí damuyna negíz bolady dep kútílude.
Onyń sózínshe, unıversıtetter daryndy talapkerlerdí erkín tańdaı almaı otyr. Būl ásírese pedagogıkalyq mamandyqtarǵa qatysty EKEN. Osylaı degen mınıstr qabyldanatyn sharalardy atady:
Pedagogıkaǵa qabyldauda testpen qatar auyzsha emtıhandar engízíledí;
Ūlttyq bíríńǵaı testíleu formaty ózgeríp, tek bír ret tapsyru bekítíledí;
Unıversıtetterge daıyndyq baǵdarlamalary (Foundation) arqyly shartty túrde qabyldau júıesínen bas tartylady.