Memleket basshysy Túrkıya Rejep Taııp Erdoǵannyń basshylyǵymen halyqaralyq arenadaǵy bedelín arttyryp kele jatqanyn aıryqsha atap óttí, – dep habarlaıdy aqshamnews.kz tílshísí.
– Eń aldymen, kóregen kóshbasshy Rejep Taııp Erdoǵannyń jetekshílígímen Túrkıyanyń osy aımaqta zor ról atqaratynyn aıtqym keledí. Óńír álsín-álsín betpe-bet kelíp otyrǵan ózektí máselelerdíń sheshímín tabuǵa elderímíz aıtarlyqtaı atsalysa alady dep oılaımyn. Oraıly sáttí paıdalana otyryp, Prezıdent Erdoǵannyń kelesí aıda Qazaqstanǵa jasaıtyn memlekettík saparyna erekshe mán beríp otyrǵanymyzdy jetkízgím keledí, – dedí Qasym-Jomart Toqaev.
Sodan keıín Qazaqstan Prezıdentí bıyl álemdík qoǵamdastyq aldynda tūrǵan jáne jaqyn perspektıvadaǵy halyqaralyq kún tártíbín qalyptastyratyn negízgí syn-qaterler men úrdíster jóníndegí oı-píkírímen bólístí.
– Dıplomattar men sayasatkerler adamzat jolaıryqta tūr degendí mysal etedí. Bíríkken Ūlttar Ūıymynyń būrynǵy Bas hatshysy Kofı Annannyń: «Bíz álí de jolaıryqta tūrmyz» dep jıí aıtatyny esímde. Halyqaralyq shıelenístí azaıtuǵa qatysty aıtar bolsaq, būl jaǵdaı eshqashan ózgermeıdí. Qazírgí qaqtyǵystar óńírlík auqymnan shyǵyp, jahandyq sıpatqa ıe boldy. Árıne, BŪŪ – balamasy joq ámbebap ūıym, sondyqtan árbír memleketke belgílí bír jauapkershílík júkteledí. Bíríkken Ūlttar Ūıymyna qoldau kórsetu kerek ekenín jūrttyń bárí aıtady. Būl – fakt. Bíraq Ūıymǵa qoldau kórsetíp qana qoımaı, oǵan reforma jasau kerek. Būl da shyndyq. Ashyǵyn aıtqan jón, «Ūıymǵa tez arada reforma jasalady» degenge eshkím senbeıdí. Óıtkení BŪŪ-ny reformalau, ózgertu, qyzmetín qaıta qarau máselesín kópten berí kóteríp júrmíz. Odan eshqandaı nátıje shyqqan joq. Bíríkken Ūlttar Ūıymyn reformalau, eń aldymen, Qauípsízdík Keńesínen bastaluy kerek ekenín moıyndauymyz qajet, – dedí Memleket basshysy.