Prezıdent búgíngí kóshbasshylardyń boıynan tabyluǵa tıís qasıetterge toqtaldy, – dep habarlaıdy aqshamnews.kz tílshísí.
– Jahandyq kóshbasshylar, álemníń ár qıyryndaǵy jekelegen memleketterdíń jetekshílerí, eń aldymen, halyqaralyq qauípsízdík pen beıbítshílík máseleleríne jauapkershílíkpen qarauy qajet dep sanaımyn. Qazírgí sátte strategıyalyq ūstamdylyq óte mańyzdy. Meníń oıymsha, búgíngí kúrdelí árí qarama-qaıshylyqqa toly álemdegí shıelenísterdíń túıínín tarqatu asa qıyn emes. Jaı ǵana jauapkershílík tanytyp, sabyrly bolu qajet, – dedí Qazaqstan Prezıdentí.
Memleket basshysy Tayau Shyǵystaǵy ahualǵa qatysty píkírín jetkízdí. Prezıdent kelíssózder barysynda basty máselelerge den qoyu kerek dep sanaıdy.
– Álemde oryn alǵan jaǵdaılarǵa baıyppen qarauǵa keńes berer edím. Máselen, bárí Irandy talqylap jatyr. Árıne, būl eldegí ahual óte kúrdelí. Oǵan qatysty qandaı da bír píkír aıtu qıyn. Qazaqstan Shyǵanaqtaǵy elderge tílektestígín bíldírdí. Bíz taraptardy strategıyalyq ūstamdylyqqa jáne áskerı ís-qımyldy toqtatuǵa shaqyrdyq. Būl qaqtyǵystyń auyr saldaryn bárí sezíndí. Eń áuelí ekonomıka qūldyrady. Búgínde Ormuz būǵazynda kemelerdíń erkín júzuíne qoıylǵan tosqauyl turaly aıtylyp jatyr. Bíraq dálízdíń qaqtyǵysqa deıín erkín sauda jasauǵa ashyq bolǵanyn eskeru qajet. Sondyqtan máseleníń máníne úńílgenímíz jón. Al túıtkíl yadrolyq tehnologıya men yadrolyq qarudyń taraluynda edí. Būl Iran tóńíregíndegí qaqtyǵysqa qatysty kelíssózderdíń basty taqyrybyna aınaluy kerek. Bíraq qazír jahandyq sauda máselesín talqylauǵa kóshíp kettík. Qıyndyqtarǵa qaramastan, ǵalamdyq sauda-sattyq kólemí ósíp keledí. Byltyrdyń ózínde ósím 2,5 paıyzdy qūrady. Yaǵnı álemdík saudadaǵy jaǵdaı jaman emes. Alaıda sauda-sattyqtyń sapasy men mazmūny – úlken problema, – dedí Qasym-Jomart Toqaev.