14-16 sáuír aralyǵynda Astanada djıu-djıtsudan Qazaqstan Respublıkasynyń chempıonaty óttí, – dep habarlaıdy aqshamnews.kz tílshísí.
Jarysta U14, U16 jáne U18 jas sanattary boıynsha nevaza jáne faıtıng bólímderínde júldeler sarapqa salyndy.
Jarys qorytyndysy boıynsha almatylyq sportshylar joǵary nátıjege qol jetkízíp, qala namysyn abyroımen qorǵady. Jalpy esepte olar 38 medal ıelendí: 10 altyn, 9 kúmís jáne 19 qola.
Eń úzdík nátıje U16 jas sanatynda tírkeldí. Būl toptaǵy sportshylar 6 altyn, 4 kúmís jáne 8 qola medal jeńíp aldy.
U18 sanatyndaǵy qatysushylar da sáttí óner kórsetíp, qorjynǵa 3 altyn, 4 kúmís jáne 5 qola medal saldy.
Al U14 jas sanatyndaǵy sportshylar 1 altyn, 1 kúmís jáne 6 qola medalmen jalpy nátıjege úles qosty.
Almaty qalasy Sport basqarmasy ókílderíníń málímetínshe, būl kórsetkíshter shaharda jekpe-jek sport túrlerín damytu boıynsha júrgízílíp jatqan júıelí jūmystyń nátıjesín jáne sportshylardyń respublıkalyq deńgeıdegí joǵary áleuetín aıqyndaıdy.