«Taza Qazaqstan» respublıkalyq baǵdarlamasy men «Almaty – bízdíń ortaq úıímíz» qalalyq kampanıyasy ayasynda qalada kúzgí-qysqy kezeńge daıyndyq jūmystary jalǵasuda, dep habarlaıdy Aqshamnews.kz
Jūmys mausymynyń ayaqtaluyna baılanysty Almatyda qalalyq subūrqaqtardy konservatsıyalau jūmystary ayaqtaldy. Subūrqaqtardy konservatsıyalau úderísí olardy óshírudí, júıelerden sudy aǵyzudy, jabdyqtardy bólshekteudí jáne olardy arnaıy qoımalarǵa jetkízudí qamtıdy. Saqtau oryndarynda subūrqaqtardyń konstruktsıyalary tekserílíp, kelesí mausymda úzdíksíz jūmys ísteuí úshín profılaktıkalyq jóndeuden ótedí.
«Almaty qalasynyń subūrqaq sharuashylyǵyn kútíp ūstau jáne tehnıkalyq qyzmet kórsetu erejeleríne» sáıkes, subūrqaqtardyń jūmys mausymy 1 mamyrdan 1 qazanǵa deıín jalǵasady. Almatynyń kommunaldyq menshígínde barlyǵy 65 subūrqaq bar, olardyń árqaısysy qysqy kezeńge mūqıyat daıyndyqtan ótedí: mamandar jabdyqty dıagnostıkadan ótkízedí, súzgíler men qūbyrlardy tazartady, tozǵan bólshekterdí jóndep, auystyrady.
Esteríńízge sala keteıík, «Almaty – bízdíń ortaq úıímíz» kúzgí kampanıyasy ayasynda qala aumaǵyn tazartu, ózen arnalaryn tazalau jáne qalalyq ınfraqūrylymdy jaqsartu boıynsha belsendí jūmys jalǵasuda. Ís-sharalar azamattardyń ekologıyalyq jauapkershílígín arttyruǵa, qalalyq ınfraqūrylymdy qysqy jaǵdaıǵa daıyndauǵa jáne qala tūrǵyndary men qonaqtarynyń jaıly ómír súruín qamtamasyz etuge baǵyttalǵan.