Keıíngí úsh jylda Qazaqstannyń qauíptí óndírístík obektílerínde ondaǵan tehnogendík apat bolyp, eń kóp oqıǵa tau-ken salasyna tıesílí bolyp otyr, dep habarlaıdy Aqshamnews.kz tílshísí.
Tótenshe jaǵdaılar vıtse-mınıstrí Erbolat Sadyrbaevtyń aıtuynsha, tau-ken salasynda -14, gaz sharuashylyǵynda - 10, kótergísh qūrylǵylarǵa qatysty – 11 ret apat bolǵan.
«Tótenshe jaǵdaılar mınıstrlígí áue apattarynyń aldyn alu jáne qauípsízdík mádenıetín kúsheıtuge baǵyttalǵan qūqyqtyq bazany júıelí túrde jańartudy júrgízíp keledí. Ónerkásíp qauípsízdígí salasy jalpy memlekettík baqylau men qadaǵalau ayasynda shamamen 10 ónerkásíptík subektíní jáne 200 myńnan astam qauíptí óndírístík obektíní qamtıdy», - dedí mınıstr.
Obektílerdíń negízgí baǵyttary:
- Kómír salasy - 11 939;
- Tau-ken salasy - 18 407;
- Metallurgıya - 9 077;
- Mūnaı-hımıya jáne mūnaı óńdeu - 20 468;
- Mūnaı-gaz óndíru - 71 158;
- Qazandyq sharuashylyǵy - 17 484;
- Kótergísh qūrylǵylar - 26 000;
- Atom energıyasyn paıdalanu - 10 828.
Mınıstr Qazaqstan Respublıkasynda ónerkásíptík qauípsízdík salasyn retteıtín salalyq zańnama tíkeleı qabyldanyp, qoldanuǵa engízílgenín atap óttí.