Elímízde mektepke deıíngí tárbıe men oqytudyń mazmūnyn jańartu maqsatynda 2025–2026 oqu jylynda «Erte jastan kásípke jáne eńbekke baulu» pılottyq jobasy íske qosyldy, - dep habarlaıdy Aqshamnews.kz
Jobaǵa respublıka boıynsha 100 mektepke deıíngí ūıym qatysady, onyń íshínde 62 memlekettík jáne 38 jekemenshík balabaqsha bar. Baǵdarlama 4 pen 5 jastaǵy balalardy qamtıdy, dep habarlaıdy QR Oqu-aǵartu mınıstrlígí.
Jobanyń maqsaty – balalardy eńbekke baulu, olardyń boıynda eńbekqorlyq, jauapkershílík jáne tabandylyq sıyaqty qasıetterdí qalyptastyru. Sondaı-aq mektepke deıíngí tárbıe men oqytudyń mańyzdy baǵyttarynyń bírí — eńbek pen túrlí mamandyq ıeleríne qūrmetpen qaraudy úıretu.
Joba mazmūny balanyń jas erekshelígí men qyzyǵushylyǵyna saı ázírlengen. Balalar kúndelíktí oıyn jáne tájírıbelík ís-áreket arqyly túrlí kásíp túrlerímen tanysady, qarapaıym eńbek daǵdylaryn meńgeredí.
Joba ayasynda balalardyń eńbekke degen qyzyǵushylyǵy artady, ūjymdyq jūmys pen eńbek etu qabíletí damıdy, sondaı-aq bolashaq kásíbı baǵdardyń alǵashqy qadamy jasalady.
