"Halyk Ormany" jobasy 2025 jyly Qazaqstanda íske qosylǵan eń írí áleumettík baǵyttaǵy orman egu baǵdarlamasy retínde tanyldy.
Būl – Ranking.kz analıtıkalyq basylymnyń jasaǵan qorytyndy nátıjesí. Onda orman alańdarynyń ósu dınamıkasy men elímízdíń tabıǵı kapıtalynyń qalpyna keluíne áser etílgen úlesí qarastyrylǵan.
Orman alańdarynyń ūlǵayuy – tūraqty úrdís
Ranking.kz málímetteríne sáıkes, keıíngí jyldary Qazaqstanda orman alańdarynyń ūlǵayuy tūraqty úrdíske aınalǵan. Tabıǵı-klımattyq shekteuler men orman aumaqtarynyń az boluyna qaramastan, būl oń ózgerís júıelí memlekettík baǵdarlamalar men byudjetten tys resurstardy tartu arqyly júzege asyrylyp otyr.
Analıtıkalyq materıalda būl úderíste memlekettík organdarmen seríktestíkte júzege asyrylyp jatqan írí jeke jáne qaıyrymdylyq bastamalarynyń rólí arta túskení aıtylady.
"Halyk Ormany" – kólemí men qamtuy boıynsha eń írí bastama
Ranking.kz málímetínshe, "Halyk Ormany" jobasy otyrǵyzu kólemí, íske asyrylu aumaǵy jáne baǵdarlamanyń ūzaq merzímdí sıpaty sekíldí negízgí kórsetkíshter boıynsha eldegí ormandy qalpyna keltírudíń eń írí jeke bastamasy retínde erekshelenedí.
Joba ayasynda bes jyl íshínde 4 mıllıonnan asa kóshet otyrǵyzu josparlanǵan, sonyń íshínde Íle-Alatau ūlttyq parkí, "Semeı ormany" tabıǵı rezervaty jáne elordanyń jasyl beldeuí sıyaqty ekologıyalyq tūrǵydan mańyzdy aumaqtardy qamtylady. Baǵdarlama QR Ekologıya jáne tabıǵı resurstar mınıstrlígímen bírlesíp júzege asyrylady.
Orman qoryn qalpyna keltíruge júıelí qadam
Ranking.kz málímetínshe, eń úlken ekologıyalyq nátıje auqymdy árí júıelí jobalar arqyly ǵana bolady. Yaǵnı mūndaı jobalar aǵash otyrǵyzumen shektelmeı, jūmysty kezeń-kezeńímen júrgízedí, kóshetterdíń otyrǵyzyluyn baqylaıdy jáne keıíngí kútím jasaıdy. Mūndaı tásíl bír rettík aktsıya emes, uaqyt óte tūraqty orman alqabyn qalyptastyruǵa múmkíndík beredí.
Sondaı-aq, sholuda qaıyrymdylyq jobalar men jeke bastamalardyń qatysuy memlekettík orman sharuashylyqtarynyń jūmysyn kúsheıtíp, basym aumaqtarda ormandy qalpyna keltíru protsesín jedeldetuge yqpal etetíní atap ótíledí.
Ekologıyalyq tūraqtylyq – ūzaq merzímdí basymdyq
Ranking.kz deregínshe, Tımur Qūlybaevtyń Halyk qorynyń «Halyk Ormany» jobasy búgínde Qazaqstandaǵy orman otyrǵyzu boıynsha eń írí bastama sanalady. Jobany íske asyru el kólemínde orman alqaptaryn kóbeıtu, ekojúıelerdí qalpyna keltíru jáne Qazaqstannyń ūzaqmerzímdí ekologıyalyq tūraqtylyǵyn qalyptastyru baǵytyn kúsheıtedí.
Klımattyq syn-qaterler kúsheıíp, antropogendík júkteme artqan qazírgí kezde mūndaı bastamalar – Qazaqstannyń tabıǵı kapıtalyn saqtauǵa jáne kóbeıtuge baǵyttalǵan júıelí jūmystyń mańyzdy bólígí.