Qazaqstannyń Tótenshe jaǵdaılar mınıstrlígí balalardyń qauípsízdígíne alańdaushylyq bíldíríp, ata-analardy barynsha mūqıyat boluǵa shaqyrady.
2025 jyldyń basynan bastap (22 sáuírdegí jaǵdaı boıynsha) 112 bíryńǵaı kezekshí-dıspetcherlík qyzmetíníń pultíne tūrǵyn úılerdíń terezelerínen balalardyń qūlaǵany turaly 34 habarlama kelíp tústí. Sonyń saldarynan úsh bala qaıtys boldy, qalǵandary túrlí jaraqat alyp, auruhanaǵa jatqyzyldy, dep habarlaıdy aqshamnews.kz.
TJM málímetínshe, oqys oqıǵalar Astana, Shymkent qalalarynda, sondaı-aq Aqmola, Atyrau, Shyǵys Qazaqstan, Qaraǵandy, Qostanaı, Qyzylorda, Jambyl, Mańǵystau, Pavlodar, Abaı jáne Ūlytau oblystarynda oryn aldy. Aldyńǵy jyldardaǵydaı, basty sebep — eresekter tarapynan baqylaudyń az boluy. Qarausyz qalǵan balalar tereze aldyna shyǵyp, jıhazdy tíreuísh retínde paıdalanady nemese salmaqty kótere almaıtyn moskıt torlaryna súıenedí.
Ótken jyly eresekterdíń qarauynsyz qalǵan 2 men 13 jas aralyǵyndaǵy balalar terezeden qūlaǵan 173 jaǵdaı tírkeldí.
Úıde bolǵan kezde balalar, eń aldymen olardyń ata-analary qauípsízdík erejelerín saqtauy kerek. Árbír ata-ana balanyń terezeden nemese balkonnan qūlap ketu qaupín azaıtu sharalaryn bíluí kerek:
1. Úıde kíshkentaı bala bolsa, terezelerdí ashyq qaldyrmańyz.
2. Terezení tıístí qorǵaumen jabdyqtalmaǵan moskıt torlaryn paıdalanbańyz - balalar mūndaı torlarǵa súıeníp, nátıjesínde olarmen bírge qūlap túsedí.
3. Balalar ózdígínen terezení asha almaıtyndaı etíp, qauípsízdík qūlyptaryn ornatyńyz.
4. Balany qarausyz qaldyrmańyz, ásírese terezeler men shyny esíkterdíń janynda oınauǵa jol bermeńíz.
5. Balalar terezeníń aldyna shyǵa almaıtyndaı, jıhazdardy onyń janyna qoımańyz.