2026 jylǵy alǵashqy álem boks kubogynyń kezeńíne Qazaqstan qūramasynan 16 boksshy qatysady, – dep habarlaıdy aqshamnews.kz tílshísí.
Báseke 2026 jyldyń 20–26 sáuírí aralyǵynda 50-den astam elden 400-ge juyq boksshynyń qatysuymen Brazılıyanyń Fos-du-Iguasu qalasynda ótedí.
Brazılıya óz tarıhynda ekínshí márte álem kubogynyń kezeńín ūıymdastyruǵa múmkíndík aldy. 2025 jylǵy jarysta jerlesterímíz 3 altyn, 3 qola júlde ıelengen edí. Olardyń arasynan Nūrsūltan Altynbek (55 kelí), Dáulet Tólemísov (85 kelí) jáne Jazıra Oraqbaeva (51 kelí) chempıon atandy.
Bıylǵy jarysqa tómendegídeı boksshylar qatysady:
Erler:
50 kelí. Danıyal Sábıt (debyut)
55 kelí. Baǵlan Kenjebek (debyut)
60 kelí. Janserí Kósherbaev (debyut)
65 kelí. Mūhammedsabyr Bazarbaıūly (debyut)
70 kelí. Faruh Toqtasynov (debyut)
75 kelí. Sanjarálı Begalıev
80 kelí. Dıas Moljígítov (Brazılıyadaǵy álem kubogynyń qola júldegerí)
85 kelí. Sūltanbek Aıbarūly (Úndístandaǵy álem kubogynyń jeńímpazy)
90 kelí. Dáulet Tólemísov (Brazılıyadaǵy álem kubogynyń jeńímpazy)
Byltyrǵy Brazılıyaǵa barǵan qūrammen salystyrsaq, tek Dıas Moljígítov (80 kelí) men Dáulet Tólemísov (90 kelí) saqtalǵan. Qūramadaǵy basty erekshelíktíń bírí – jastar arasynda álem chempıony Sanjarálı Begalıev pen Mūhammedsabyr Bazarbaıūlynyń tómengí salmaqqa auysqanyn aıtuǵa bolady. 60 kelíde Janserík Kósherbaev ta eresekter arasynda ózín alǵash ret kórsetuge múmkíndík almaq. «Strandja» turnırínde jaqsy qyrynan kóríngen Baǵlan Kenjebekke (55 kelí) álem kubogynda taǵy sením artylmaq.
Áıelder:
51 kelí. Alua Balqybekova (Astanadaǵy álem kubogynyń kúmís júldegerí)
54 kelí. Nazym Qyzaıbaı (Astanadaǵy álem kubogynyń jeńímpazy)
60 kelí. Vıktorıya Grafeeva (Astanadaǵy álem kubogynyń jeńímpazy)
65 kelí. Aıda Ábíkeeva (Astanadaǵy álem kubogynyń qola júldegerí)
70 kelí. Natalya Bogdanova (Astanadaǵy álem kubogynyń jeńímpazy)
80 kelí. Jíbek Jarasqyzy (debyut)
+80 kelí. Valerıya Aksenova (debyut)
2025 jylǵy Lıverpuldegí jetístíkterímízden keıín arularymyzdyń kópshílígí endí ǵana resmı jarysqa oralmaq. Būl tízímde 4 bírdeı (Alua Balqybekova, Nazym Qyzaıbaı, Aıda Ábíkeeva, Natalya Bogdanova) álem chempıony bar.