Atalǵan jarys 29 sáuír men 2 mamyr aralyǵynda AQSh-tyń Hyuston qalasynda ótedí, – dep habarlaıdy aqshamnews.kz tílshísí Oqu-aǵartu mınıstrlígíne sílteme jasap.
Qazaqstannyń robototehnıkadan ūlttyq qūramasy álemdegí eń bedeldí halyqaralyq chempıonattardyń bírí FIRST Championship álemdík kezeńíne daıyndalyp jatyr. Qūramaǵa 17 komandadan 200-den astam oqushy endí.
Qazaqstan atynan saıysta Astana, Almaty, Shymkent, Oral, Qaraǵandy, Shchuchınsk qalalary men Túrkístan oblysynyń qatysushylary óner kórsetedí. Komandalar úsh jas sanaty boıynsha synǵa túsedí:
FIRST LEGO League Explore 6–10 jas;
FIRST LEGO League Challenge 10–16 jas;
FIRST Tech Challenge 12–18 jas.
Bıyl Qazaqstanǵa 17 joldama beríldí.
FIRST álemdík kezeńí jyl saıyn 110 elden 50 myńnan astam oqushy men studenttí bíríktíredí. Chempıonat seríktesterí qatarynda álemdík deńgeıdegí jetekshí tehnologıyalyq kompanıyalar men unıversıtetter bar. Qatysushylarǵa bílím beru baǵdarlamalary men granttyq qoldau ūsynylady, onyń jalpy kólemí 80 mln dollardy qūraıdy.
Ūlttyq qūrama 2026 jylǵy aqpanda ótken Alem Tech Fest Ortalyq Azıya chempıonatynyń qorytyndysy boıynsha jasaqtaldy. Ūıymdastyrushylar qatarynda QR Oqu-aǵartu mınıstrlígíne qarasty «Daryn» respublıkalyq ǵylymı-praktıkalyq ortalyǵy men USTEM Foundation qoǵamdyq qory bar.