Joba qūqyqtyq mádenıettí nyǵaıtuǵa, tártíptí arttyruǵa jáne «Zań men tártíp» qaǵıdatyn tūraqty árí ádílettí qoǵamnyń negízí retínde qalyptastyruǵa baǵyttalǵan, – dep habarlaıdy aqshamnews.kz tílshísí.
Almaty qalasynyń Íshkí sayasat basqarmasynyń Qoǵamdyq damu ortalyǵy megapolıste jastarǵa arnalǵan auqymdy qūqyqtyq kvest-marafondy íske qosty.
Jobaǵa qalanyń 10 jetekshí joǵary oqu ornynan 200-den astam jas qatysuda, olardyń qatarynda Halyqaralyq aqparattyq tehnologıyalar unıversıtetí (HATU), Ál-Farabı atyndaǵy QazŪU, Narhoz jáne Sátbaev unıversıtetí bar.
Jobanyń ashyluy «Men zańdy ūstanamyn» atty auqymdy fleshmobpen bastaldy. Būl aktsıya jastardyń qūqyqtyq tártíptí saqtauǵa degen ortaq úndeuíne aınaldy.
Kvest jastardyń qūqyqtyq sanasy men azamattyq jauapkershílígín qalyptastyratyn alańǵa aınaluda. Ol qūqyqbūzushylyqtarǵa nóldík tózímdílík ıdeologıyasy negízínde qūqyqtyq oılau men tūraqty qūqyqtyq baǵdarlardy damytuǵa baǵyttalǵan.
Kvest barysynda komandalar zańnamany ómírlík jaǵdaılarda qoldanu daǵdylaryn tekseretín qūqyqtyq tapsyrmalardy oryndaıdy. Synaqtar «Street law», «Jańa Qazaqstan», «Tsıfrlyq íz», «Adal azamat» sıyaqty taqyryptyq stantsıyalarda ótedí. Olar qoǵamdyq jauapkershílík, ákímshílík jáne qylmystyq qūqyq, sondaı-aq mínez-qūlyq úlgílerín qamtıdy.
Tapsyrmalarǵa sıtuatsıyalyq keıster, tsıfrlyq sauattylyqty tekseru, logıkalyq jáne komandalyq oıyndar kíredí. Mūndaı format teorıyany bekítíp qana qoımaı, ony tájírıbede qoldanuǵa múmkíndík beredí.
Kvest lokatsıyalary qalalyq qyzmettermen bírlesíp kelísílgen. Olardyń qatarynda TJD, polıtsıya departamentí, prokuratura jáne basqa da qūrylymdar bar. Negízgí alańdar retínde Jedel basqaru ortalyǵy, Arbat, Saıran kólí, «Medeu» mūz aıdyny, metro stantsıyalary, Ortalyq stadıon jáne basqa da qalalyq keńístíkter qamtylǵan.
Árbír lokatsıyada qatysushylar naqty qalalyq jaǵdaılarǵa jaqyn qūqyqtyq tapsyrmalardy oryndaıdy.
Kvest-marafonnyń qorytyndysy 21 qazanda «Zań men tártíp» konferentsıyasynda shyǵarylady. Oǵan belgílí qūqyq qorǵaushylar, zańgerler, qūqyq qorǵau organdary men qoǵamdyq ūıymdardyń ókílderí qatysady. Úzdík komandalar túrlí nomınatsıyalar boıynsha marapattalady.
Būl kvest jastarǵa qūqyqtyq bílím beríp qana qoımaı, zańdylyq pen tártíp qaǵıdattaryna negízdelgen jauapkershílíktí mínez-qūlyqty qalyptastyruǵa kómektesedí.
Būl oıdy Bauyrjan Momyshūlynyń «Tártípsíz el bolmaıdy, tártípke baǵynǵan qūl bolmaıdy» degen sózí aıqyndaıdy.