Almatyda tolassyz jauyn-shashynǵa baılanysty kommunaldyq qyzmet kúsheıtílgen jūmys tártíbíne auystyryldy, – dep habarlaıdy aqshamnews.kz tílshísí.
Qalalyq ınfraqūrylymnyń úzdíksíz jūmysyn qamtamasyz etu sharalary kúndíz júrgízílíp, qazírgí uaqytta da jalǵasyp, túngí uaqytta da toqtausyz atqarylmaq. Būl turaly qalanyń kommunaldyq ınfraqūrylym basqarmasy men tūrǵyn úı ınspektsıyasynyń ókílderí habarlady.
«Qazgıdromet» ūsynǵan málímetke sáıkes, 16 sáuír kúní qalada 29 mm jauyn-shashyn túsken, būl aılyq normanyń shamamen tórtten bírí. Osyǵan baılanysty qalalyq qyzmetter men merdíger ūıymdardyń táulík boıǵy kezekshílígí ūıymdastyryldy.
Jedel áreket etu úshín 104 bírlík arnaıy tehnıka, 74 motopompa jáne 12 assenızatorlyq kólík jūmyldyryldy. Qajettí qūral-jabdyqtarmen qamtylǵan 425 jol qyzmetkerínen tūratyn 75 jedel brıgada qūryldy. Sonymen qatar 2,3 myńnan astam qūm salynǵan qap daıyndaldy.
Qosymsha túrde qalalyq Qūtqaru qyzmetí men Tótenshe jaǵdaılar departamentíníń bólímshelerí kezekshílíkke tartylǵan. Bír táulíkte jūmysqa shyqqan jol jūmysshylarynyń jalpy sany 2710 adam bolyp, 1200-den astam arnaıy tehnıka paıdalanyluda.
Kúní boıy aryq júıeleríníń bíteluí men jer bederíníń erekshelíkteríne baılanysty keıbír aumaqta su jınalu derekterí tírkeldí. Barlyq mūndaı uchaske jedel túrde qalpyna keltíríldí.
Tūrǵyndardyń qauípsízdígín qamtamasyz etu jáne su basu qaupíníń aldyn alu maqsatynda kommunaldyq qyzmetterdíń jūmysy táulík boıy, onyń íshínde túngí uaqytta da toqtausyz jalǵasyp jatyr. Jaǵdaı jítí baqylauda.