Almaty oblysynda joǵalǵan tíkūshaqta bolǵan úshínshí adamnyń máıítí tabyldy, dep habarlaıdy aqshamnews.kz Qorǵanys mınıstrlígíne sílteme jasap.
12 tamyzda su astyndaǵy ízdeu jūmystary barysynda ekıpajdyń úshínshí múshesí Aman Amangeldíníń denesí tabyldy.
"Ol - tájírıbelí ūshqysh, kúrdelí meteorologıyalyq jaǵdaılarda bírneshe márte ūshyp jattyqqan. Túrlí auqymdaǵy jattyǵular men operatsıyalarǵa qatysqan. Joǵary oryndaushylyq tártíbímen jáne mínsíz qyzmettík bedelímen erekshelengen. EC-145 tíkūshaǵyndaǵy ūshu uaqyty – 295 saǵat", - dep jazdy vedomstvo.
Eske sala keteıík, 10 tamyzda ekıpaj komandırí maıor Nūrjígít Úısínbaevtyń denesí tabylǵan bolatyn. Al 11 tamyz kúní ízdeu toptary kapıtan Baqtıyar Erjígítovtíń denesín sudan shyǵardy.
Qaza tapqan ūshqyshtardyń úsheuí de áue qorǵanysy kúshterí áskerı ınstıtutynyń túlegí.
"Akvatorıyany jáne oǵan írgeles aumaqty zertteu boıynsha ízdestíru sharalary jalǵasa bermek. Osyǵan sáıkes tíkūshaq bólíkterín anyqtau jáne jaǵaǵa shyǵaru jūmystary júrgízílíp jatyr", - deıdí mınıstrlík.
Apattyń sebepterín anyqtau úshín tergeu amaldary júrgízílíp jatyr. Qorǵanys mınıstrlígí men Qaruly kúshter basshylyǵy qaza tapqandardyń tuystary men jaqyndaryna barlyq qajettí kómektí kórsetedí.
Aıta keteıík, 25 shíldede Almaty oblysynda áskerı tíkūshaq joǵalyp kettí. Úsh ekıpaj múshesí bolǵan tíkūshaqty ízdeu jūmystary kúní búgínge deıín jalǵasty.