Aldaǵy uaqytta «Jíbek Joly» avtobazary tolyǵymen jańa formatta sauda jasaudy josparlap otyr, al bazar aumaǵyndaǵy zańsyz qūrylystyń barlyǵy súríledí.
Temírden jasalǵan būl sauda oryndaryn kezínde rūqsat almaı, qala qūrylysynyń erejesín elemeı otyryp salǵan. Memlekettík organdar men bazar ákímshílígíníń ókílderí «Jíbek Joly» bazaryn qalaı ózgertkelí jatqandaryn aıtyp berdí.
«Jíbek Joly» bazary – saıman satyp, avtokólíkke qyzmet kórsetu úshín ashylǵan bazar bolatyn. Mūnda shamamen 2000 sauda orny bar. Bazar aumaǵynda kólík jóndeıtín, saıman satatyn, kólíktíń maıyn, suyn auystyratyn sauda núktelerí ornalasqan.
«Búkíl bazardy jabady degení shyndyqqa janaspaıdy. Bíz zańsyz salynǵandaryn ǵana būzǵaly jatyrmyz. Qazírdíń ózínde kásípkerlermen bírlesíp olardy zańdastyru jaǵyn qolǵa aldyq. Eń bastysy – eshkím jūmyssyz qalmauy kerek. Kólík jóndeıtín jańa stantsıyalardyń jobasyn jasap jatyrmyz. Olar jańasha jabdyqtalyp, onda adamǵa kerek dúnıeníń bárí bolady. Qazír tıístí organdarǵa júgíníp jatyrmyz. Būl ózgerístí tolyq íske asyru úshín bízge shamamen bír jyldaı uaqyt kerek», – deıdí «Jíbek Joly» bazarynyń dırektory Azamat Qūlmahanbet.
Bazar basshysynyń aıtuynsha, osy uaqytta olar jańa jabdyq ornatyp, qauípsízdík júıesín jetíldírmekshí. Su tartyp, sanıtarlyq toraptar, kótergísh qūrylǵylar men ájethana sıyaqty kerek-jaraq túgel kírmek. Sóıtíp, sauda-sattyqty zańnamaǵa saı júrgízuí úshín barlyq jaǵdaı jasamaq. «Jíbek Joly» bazarynyń eskızdík jobasy daıyn. Qazír bazar aumaǵynyń 80%-yn órt dabyly ornatylǵan jabyq pavılondar alyp jatyr.
Ornynan aıyrylǵaly tūrǵan kásípkerlerdíń ózí de kásíbín zańdastyrǵysy keletínín aıtady. Solardyń bírí – avtoelektrık Seríkhan Ermahan. Seríkhannyń būl bazarda jūmys ístep kele jatqanyna 10 jyldaı bolypty.
«Jūmyssyz qalamyz ba dep qoryqtyq. Bíraq búgíngí kezdesuden keıín qolǵa alǵaly jatqan josparyn kóríp, kúptí kóńílímíz ornyna tústí. Bíz de zań ayasynda jūmys ístegímíz keledí», – deıdí kásípker.
Shara barysynda aıtylǵandaı, zańsyz salynǵan 30 nysan ǵana būzylady. Būdan bazardyń jūmysy toqtap qalmaıdy. Zańmen sanasyp salynǵan sauda oryndary ary qaraı jūmys ísteı bermek.
«2023 jylǵy mamyrda jospardan tys tekseru júrgízílíp, sol kezde jalpy aumaǵy 5500 sharshy metr bolatyn 30 zańsyz qūrylys anyqtaldy. Zań būzushylyqty joyu jónínde ákímshílík sharalar qabyldandy. Bíraq bazardyń ıesí būl nūsqamany oryndaǵan joq. Sosyn bíz olardy súru úshín qalanyń ákímshílík sotyna talap joldadyq. Byltyrǵy jeltoqsanda sot talabymyzdy qanaǵattandyrdy. 2024 jyldyń sáuír aıynda sot qūrylys ıesíníń shaǵymyn qanaǵattandyrmaı, sheshím ózgeríssíz qaldy. Osyǵan baılanysty sot sheshímí zańdy kúshíne endí. Zańsyz salynǵan 30 nysandy būzu jóníndegí atqaru paraǵy Ádílet departamentínde», – deıdí Alatau jáne Bostandyq audandary boıynsha qala qūrylysyn baqylau basqarmasynyń bólím basshysy Álíbek Tólbasıev.
Bılík ókílderí kez kelgen qūrylysty erejení eskere otyryp salu kerek ekenín eskertíp otyr. Óz betímen salynǵan qūrylys qater tóndíríp, zańdastyruǵa da kelmeı, keıín ıesí óstíp tekke shyǵyndanatynyn aıtady.