Alakól aýdanynda polıseıler jol-kólik oqıǵalarynan qaza tapqandardy eske alý aptalyǵy aıasynda "Jaryq sham" aksıasyn ótkizdi.
İs-sharanyń maqsaty – joldarda ómiri úzilgen azamattardy qurmetpen eske alý jáne qoǵam nazaryn jol qozǵalysy erejelerin qatań saqtaýǵa aýdarý. Aksıa barysynda polıseıler jol-kólik oqıǵalarynda qaza bolǵandardy bir mınýt únsizdikpen eske aldy.
Árbir jol qozǵalysyna qatysýshynyń jeke jaýapkershiliginiń joǵary bolýy kerektigin, al joldaǵy qaýipsizdik barlyq sanattaǵy júrgizýshilerdiń, jaıaý júrginshilerdiń tikeleı jaýapkershiligi. Sonymen qatar balalarǵa jol mádenıetin úıretý – ata-analardyń basty mindeti ekenin atap ótti. İs-sharanyń taǵy bir mańyzdy bóligi – polısıa qyzmetkerleriniń shyǵarmashylyq oryndaýy boldy.
Olar jol qaýipsizdigi taqyrybyna arnalǵan avtorlyq án jazyp, ony kópshilikke usyndy. Ánde magıstral, moped, adam ómirin jalmaǵan qatelikter men quqyq buzýshylyqtar, zań men tártiptiń qundylyǵy týraly júrekke jetetin joldar oryndaldy. Mýzyka arqyly polıseıler qarapaıym, biraq óte mańyzdy oıdy jetkizdi.
Árbir adam ómiri – baǵa jetpes, al qaıǵyly jaǵdaıdyń aldyn alý – árbirimizdiń qolymyzda. Polısıa mundaı is-sharalar qoǵamda jol erejelerine jaýapkershilikpen qaraýdy qalyptastyrýǵa jáne turǵyndar men quqyq qorǵaý organdarynyń ózara baılanysyn nyǵaıtýǵa yqpal etetinin atap ótti. Qaza tapqandardy eske alý – jol qozǵalysy erejelerin saqtaý formaldy emes, kúndelikti ómir normasy bolýy tıis ekenin eske salady.