Baspasóz tury barysynda Jetísu audanynyń ákímí Lázzat Jylqybaeva osylaı dedí. Qazír Raıymbek, Súıínbaı, Rysqūlov pen Volochaevskaya–Tátíbekov kóshelerí shektesken tūsta qūrylys jūmysy júríp jatyr, dep habarlaıdy aqshamnews.kz
Ákímníń aıtuynsha, būǵan deıín būl aumaqta ortalyqtandyrylǵan káríz júıesí bolmaǵan, tūrǵyndar sudy eskí, ábden tozǵan jelílerden alyp otyrypty. Būl kommunaldyq qyzmettíń sapasyna da kerí áser etken.
Joba ayasynda jalpy ūzyndyǵy 25 shaqyrymnan asatyn ınjenerlík jelí salynady. Onyń 13,41 shaqyrymy – su qūbyryna, 12 shaqyrymnan astamy – káríz júıesíne arnalǵan. Būl shamamen 1500 abonenttí osy zamanǵy ınjenerlík ınfraqūrylymǵa qosuǵa múmkíndík bermek.
Audanda ekí úlken joba júzege asyryluda. Bírínshí joba – 120-dan astam kóshení qamtıdy. Onyń ūzyndyǵy 97 shaqyrym:
• 25 shaqyrym – sumen jabdyqtau jelílerí,
• 72 shaqyrym – su būru jelílerí.
Qazír 13 shaqyrym su qūbyry men 14 km káríz jelísí salynyp bítken.
«Qazír 5 brıgada ınjenerlík jelíler boıynsha, 2 brıgada asfalttau boıynsha jūmys ístep jatyr. Joba tolyq ayaqtalmaǵanymen, ınjenerlík jelíler júrgízílgen kóshelerdegí sumen jabdyqtau men káríz júıesí «Almaty Su» mekemesíníń qarauyna beríldí. Tūrǵyndarǵa jobanyń tolyq ayaqtaluyn kútudíń qajetí joq. Būl aumaqta jūmys bítken soń, bíz bárín sumen, kárízben 100% qamtamasyz etemíz», – dedí Lázzat Jylqybaeva.
Ekínshí joba boıynsha:
• 25 shaqyrymnan asatyn ınjenerlík jelí júrgízíledí,
• onyń 13,41 shaqyrymy – sumen jabdyqtau,
• 12 shaqyrymnan astamy – káríz jelísí.
Būl joba shamamen 1500 abonenttí osy zamanǵy ınjenerlík ınfraqūrylymǵa qosuǵa múmkíndík bermek. Qūrylys-montaj jūmystary mausym aıynda bastalǵan, 2026 jyly bítírudí josparlap otyr.
Qazír Potanın, Núsípbekov pen Ystyq kóshesíndegí jelí tartu jūmysy orta shegíne kelíp qalypty.
Jūmystyń basty erekshelígí – ınjenerlík jelílerdí júrgízíp bolysymen joldy bírden asfalttaıdy. Būrynǵy tásíldermen salystyrǵanda, qazylǵan jerde qaıta kómuge az uaqyt ketedí, jáne jol tolyq asfalttalady, būl tūrǵyndarǵa qolaısyzdyq keltírmeıdí.
«Jobany íske asyru – kommunaldyq qyzmetterdíń sapasyn arttyruǵa, senímdí sumen qamtyp, jańa káríz júıesín qūru. Būl – Jetísu audany tūrǵyndarynyń ómír sapasyn edáuír arttyrady. Audan byudjetíníń múmkíndíkterí, ónerkásíptík ósím men ortalyqsyzdanu ayasyndaǵy jūmystar osyndaı auqymdy jobalardy júzege asyruǵa múmkíndík beríp otyr», – dep túıíndedí sózín Lázzat Jylqybaeva.