Memleket basshysy Qasym-Jomart Toqaev otandastaryn 1 mamyrda atap ótíletín Qazaqstan halqynyń bírlígí merekesímen qūttyqtady. Qūttyqtau mátínín Aqordanyń baspasóz qyzmetí jarıyalady, – dep habarlaıdy aqshamnews.kz tílshísí.
"Qūrmettí otandastar!
Sízderdí Qazaqstan halqynyń bírlígí merekesímen shyn júrekten qūttyqtaımyn!
Būl – qoǵamymyzdyń myzǵymas qūndylyqtaryn pash etetín qasterlí meıram. Bírlík kúní halqymyzdyń tílektestígí men auyzbírshílígí, ózara syılastyǵy men qūrmetí, otanshyldyǵy men perzenttík súıíspenshílígí keńínen dárípteledí.
Kezínde taǵdyrdyń jazuymen elímízde tūraqtaǵan túrlí etnos ókílderí Qazaqstan atty kıelí Shańyraqtyń astynda bír úıdíń balasyndaı tatu-táttí ómír súríp jatyr. Būl – bárímízge ortaq ıgílík.
Dana halqymyz "Tatulyq – tausylmas baqyt" dep beker aıtpaǵan. Bíz – beıbít zamannyń qadírín bíletín, aınalasyna janashyrlyqpen qaraıtyn, árdaıym kómek qolyn sozuǵa daıyn tūratyn elmíz. Būl – bírtūtas ūltymyzdyń bolmysyna tán qasıet. Bíz osy bíregeı dástúrdí kózdíń qarashyǵyndaı saqtap qaluymyz kerek.
Bízdíń kózqarasymyz ártúrlí bolǵanymen, tílegímíz – bír. "Bírlígímíz – áraluandyqta" formulasy memlekettík sayasat pen azamattarymyzdyń kúndelíktí ómíríníń ózegíne aınaldy.
Sondyqtan bíz bírlík, yntymaq, etnosaralyq jáne konfessıyaaralyq tatulyq qaǵıdattaryn jańa Konstıtutsıyanyń preambulasynda naqty kórsettík.
Būl – Qazaqstan halqynyń sanaly túrde jasaǵan tańdauy. Sebebí azamattarymyz barshaǵa bírdeı qūqyqtar men múmkíndíkter beretín elde, ádíl, tūraqty jáne baquatty qoǵamda tūrudy qalaıdy.
"Zań men tártíp" tūjyrymdamasy elímízdegí auqymdy jańǵyru úderísíníń arqauy retínde osy bıík maqsatqa jetuímízge kepíl bolmaq.
Bízdíń tarıhymyz, búgínímíz jáne bolashaǵymyz – bír. Būl –Qazaqstan halqynyń sarqylmas kúsh-quaty men otanshyldyq ruhynyń aıqyn kórínísí. Bíz bárímíz bír el bolyp jūmylyp, ósíp-órkendeu jolynda bıík belesterdí baǵyndyra beretínímízge kámíl senemín.
Qymbatty otandastar, barshańyzǵa zor densaulyq, amandyq jáne baq-bereke tíleımín!" - delíngen habarlamada.